Maładoha ajcišnika z Mahilova asudzili pa čatyroch palityčnych artykułach i adpravili ŭ kałoniju
Cimafieju Karatkieviču pahražała da šaści hadoŭ źniavoleńnia.
Cimafieju Karatkieviču 23 hady. Jon rodam z Mahilova.
U škole Cimafiej udzielničaŭ u alimpijadach pa historyi. U 2018-2019 hadach zaniaŭ treciaje miesca na abłasnoj alimpijadzie. Paśla hetaha, u 2019 hodzie, jon pastupiŭ u Biełaruska-rasijski ŭniviersitet na biudžet na śpiecyjalnaść «Aŭtamatyzavanyja sistemy apracoŭki infarmacyi», nabraŭšy 310 bałaŭ z 400 mahčymych.
Jahonaja śpiecyjalnaść — inžynier-prahramist. Karatkievič skončyŭ univiersitet u 2023 hodzie i šukaŭ pracu ŭ IT.
Cimafiej cikavicca anime, komiksami i kampjutarnymi hulniami. Taksama jon lubić fatahrafavać i zdymać pryrodu.
Data zatrymańnia Cimafieja nieviadomaja, ale jon źnik z sacsietak uviesnu 2025 hoda. Jaho ŭžo paśpieli asudzić pa čatyroch artykułach — «abraza Łukašenki» (č. 1 art. 368 KK), «paklop na Łukašenku» (č. 1 art. 367 KK), «abraza pradstaŭnika ŭłady» (art. 369) i «ŭstupleńnie ŭ skład ekstremisckaha farmiravańnia» (č. 3 art. 361-1).
Chłopcu pahražała da šaści hadoŭ kałonii. Sutnaść abvinavačańnia, jak i dakładny prysud, nieviadomyja.
«Naša Niva» — bastyjon biełaruščyny
PADTRYMAĆCiapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary