«Adpravili, jak banderol pa pošcie». Malavanyč viarnuŭsia ŭ Polšču z Hruzii
Akciora Alaksandra Ždanoviča (Malavanyča) učora nie puścili ŭ Hruziju. Ranicaj u piatnicu jon viarnuŭsia ŭ Polšču, pieranačavaŭšy ŭ śpiecpakoi ŭ aeraporcie Kutaisi
«Siabry, ja ŭ Varšavie. Usie dobra! Paśla zabarony na ŭjezd u Hruziju, mianie ranicaj adpravili, jak banderol pa pošcie… pašpart addali tolki paśla taho, jak pa prylecie ŭsie pasažyry vyjšli z samaleta
Pieršaje: ja ŭdziačny za ŭsie vašyja zvanki i sms-y jakija atrymlivaŭ da samaj nočy! Kab daviedacca, što ciabie lubiać — nie treba pamirać, ci chvareć… dastatkova, kab hruzinskija pamiežniki prajavili da ciabie «asablivuju» uvahu. Druhoje: da žyćcia lepiej adnosicca, jak da pryhodnickaj apovieści, niečakanyja siužetnyja pavaroty jakoj tabie cikavyja, jakimi b jany nie byli…», — napisaŭ jon u fejsbuku.
Alaksandr Ždanovič taksama pryvioŭ niekalki vysnoŭ sa svajho kiejsa dla tych, kamu karcić naviedać Hruziju
«1. Kali jeść mahčymaść — nie karystajciesia biełaruskim pašpartam (u mianie byŭ sini polski dakumient, tak zvany «ženieŭski». 2. Padrychtujcie da pytańniaŭ: kudy vy jedziecie? dzie i ŭ kaho budziecie žyć? ci majecie advarotny kvitok? 3. Litaralna: maršrut pajezdki, adrasy, telefony, finansavyja harantyi, miedstrachoŭka 4. Adkazvajcie dakładna, vyrazna, trymajcie dakumienty pad rukoj», — napisaŭ jon.
Akcior nie viedaje, što kankretna pasłužyła povadam nie puścić jaho ŭ Hruziju, chutčej za ŭsio, dakumienty nie byli pradstaŭlenyja całkam, što słužyć univiersalnaj padstavaj dla admovy dla ŭjezdu.
Alaksandr Ždanovič płanavaŭ pravieści ŭ Hruzii tvorčyja sustrečy.
Tamu siońnia a 19-j pa Varšaŭskim časie (20:00 pa Minsku) jon prosić dałučycca ŭsich, chto chacieŭ pryjści na sustrečy ŭ Hruzii i ŭsich žadajučych da pramoha efira ŭ jaho fejsbuku.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ71
Kamientary
Cikava: chto u takich vypadkach apłačvaje banderol? Za košt dziaržavy ci jak?