Daradca Cichanoŭskaj raskazaŭ pra ich kamunikacyju z uładami ZŠA
Dypłamatyčny daradca Śviatłany Cichanoŭskaj Dzianis Kučynski prakamientavaŭ «Našaj Nivie» zvanok Trampa i Łukašenki, a taksama raskazaŭ pra kamunikacyju demsił z amierykancami.
Kučynski adznačyŭ, što Ofis Cichanoŭskaj padtrymlivaje kantakt ź Biełym domam i Dziarždepartamientam ZŠA — «jak da, tak i paśla zhadanaha telefonnaha zvanka».
«Padčas majoj sustrečy ŭ Biełym domie z daradcam Trampa Bejkieram my padrabiazna abmiarkoŭvali stratehiju «puhi i piernika» ŭ adnosinach da Łukašenki. Hety padychod hruntujecca na prostym pryncypie: kali režym robić kroki nasustrač — vyzvalaje ludziej, spyniaje represii, — jon atrymlivaje stanoŭčyja sihnały i palityčnyja žesty dobraj voli. My ŭžo nazirali prykład takoj palityki: vizit hienierała Kiełaha ŭ Minsk i jaho fotazdymak z Łukašenkam stali vyraznym sihnałam, paśla čaho byli vyzvaleny Siarhiej Cichanoŭski i inšyja palitviaźni».
Daradca Cichanoŭskaj adznačyŭ, što jany vitajuć namahańni Trampa pa vyzvaleńni palitviaźniaŭ u Biełarusi, spynieńni represij i adnaŭleńni spraviadlivaści ŭ Biełarusi.
«Heta humanitarnaja misija najvyšejšaha ŭzroŭniu, jakaja maje metu vyratavać žyćci nievinavatych ludziej.
Režym musić zrabić kankretnyja kroki: poŭnaściu spynić represii i vyzvalić usich nievinavatych ludziej z turmaŭ. Heta moža stać pieršym krokam na šlachu da miru, svabody i nacyjanalnaha prymireńnia. Pakul ža hetaha nie adbudziecca, nie pavinna być źmienaŭ u palitycy ŭ dačynieńni da režymu.
U vypadku, kali Łukašenka nie prademanstruje hatoŭnaści da hetych krokaŭ, prezident ZŠA moža pierajści da bolš žorstkich i rašučych mier.
Padobnaja situacyja ŭžo mieła miesca ŭ adnosinach da Pucina: spačatku — sproba damovicca, ale kali paśla razmovaŭ Pucin pačynaje bambić Ukrainu jašče bolš, byli skarystanyja ŭltymatumy i zachady da bolš mocnaha ekanamičnaha cisku».
Kučynski dadaŭ, što padčas apošnich kantaktaŭ amierykanski bok asobna padkreśliŭ važnaść praviadzieńnia ŭ Biełarusi sistemnych źmienaŭ i adkryćcia kanstruktyŭnaha dyjałohu pamiž režymam, hramadzianskaj supolnaściu i demakratyčnymi siłami.
Ciapier čytajuć
Delehatka KR Karpušonak paśla maŭčańnia apublikavała videa12
Delehatka KR Karpušonak paśla maŭčańnia apublikavała videa
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary