Žančyna paškadavała kania ŭ parku «Suła» i pačała kampaniju ŭ jaho abaronu. Joj adkazali
U sacsietcy Threads razharelisia sprečki paśla videa, dzie naviedvalnica histaryčnaha parku «Suła» pad Stoŭbcami aburyłasia vykarystańniem u parku ŭ jakaści zabavy konki z zaprežanym kaniom. Joj adkazali i kamientatary, i administracyja parku, piša Tochka.by.
Žančyna śćviardžała, što nibyta adna i taja ž žyviolina ceły dzień ciahaje ciažki vahončyk ź ludźmi bieź pierapynku i nazvała heta žorstkim abychodžańniem. Žančyna zaklikała raspaŭsiudžvać jaje videa, kab pryciahnuć uvahu zoaabaroncaŭ.
Publikacyja sabrała kala 500 kamientaroŭ i mierkavańni adnosna jaje padzialilisia. Adnyja padtrymali aŭtarku i patrabavali spynić ekspłuatacyju koniej, inšyja ž adznačali, što nasamreč u «Sule» vielmi dobra abychodziacca z žyviołami: ich rehularna mianiajuć, jany majuć vyhuł, charčavańnie i vieterynarny nahlad.
Niekatoryja karystalniki padkreślili, što konka — heta histaryčny vid transpartu, i jahonaja demanstracyja źjaŭlajecca častkaj atmaśfiery parku.
Žurnalisty Tochka.by źviarnulisia pa kamientar u administracyju «Suły». Tam zajavili, što ŭsie žyvioły ŭtrymlivajucca ŭ parku ŭ vielmi dobrych umovach:
- u štacie jość vieterynar i koniuch;
- koni majuć zbałansavanaje charčavańnie, pastajanny dostup da vady i adpačynku;
- paśla niekalkich hadzin pracy žyviolinu adpraŭlajuć na vyhuł u pole;
- konka pracuje tolki 2—3 dni na tydzień i kala piaci miesiacaŭ na hod, u zaležnaści ad nadvorja.
Taksama ŭ parku padkreślili, što kanstrukcyja puciej zroblena tak, kab vahončyk kaciŭsia nakatam, tamu kaniu nie treba prykładać vialikich vysiłkaŭ.
Hetyja koni žyvuć u «Sule» ŭžo šmat hadoŭ, i ich nikoli nie mianiali — što taksama, na dumku administracyi, śviedčyć pra dobraje staŭleńnie da žyvioł.
Paśla šyrokaha abmierkavańnia prablemy ŭ ŚMI i sacsietkach aŭtarka videa apublikavała novy post z prabačeńniami. Jana pryznałasia, što sama nikoli nie była ŭ parku, a svoj papiaredni zapis zrabiła, abapirajučysia na čužyja słovy. Žančyna napisała, što jaje vykazvańnie było nieabdumanym, jana ŭžo vydaliła publikacyju i nie maje pretenzij da parku historyi «Suła».
«Samaje pryhožaje śviata leta». Turysty raskazali, jak źjeździli na Kupalle ŭ Sułu
Prarasijski palitołah aburajecca majontkam «Suła»: Uvieś piersanał havoryć vyklučna pa-biełarusku i na ruskuju nie pierachodzić
Adzinaj biełaruskaj parodzie koniej pahražaje źniknieńnie
U Nalibockaj puščy nazirajecca bebi-bum
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary