Mašynu znajšli ŭ Rasii.
U Frunzienskaje RUUS Minska źviarnuŭsia haradžanin z zajavaj ab vykradańni prama z-pad domu darahoha krosoviera BMW Ch5, jaki jon niadaŭna kupiŭ u 25-hadovaha žychara Minščyny.
Jak vyśvietliłasia, pry kupli mužčyna atrymaŭ tolki adzin kluč, a druhi pradaviec prynios paźniej — za niekalki dzion da kradziažu. Pavodle milicyi, mienavita heta dało pradaŭcu mahčymaść vyśvietlić dakładny adras novaha ŭładalnika.
Praź niekalki dzion unačy jon skarystaŭsia trecim — servisnym — klučom, adkryŭ mašynu i vyjechaŭ na joj u Rasiju.
Z dapamohaj sistemy videanazirańnia aŭto adsačyli ŭ Smalenskaj vobłaści i Maskvie. Tam aŭtamabil chłopiec pieradaŭ znajomamu dla dalejšaha prodažu — biez zhadki, što mašyna skradzienaja.
Padazravanaha zatrymali paśla viartańnia ŭ Biełaruś. Śledčyja zaviali kryminalnuju spravu za kradziež u asabliva bujnym pamiery.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna11
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii1212
Kamientary