Chłopiec z Bresta adsiadzieŭ piać hadoŭ za pratesty — jamu patrebna dapamoha
24-hadovy Daniła Čul prajšoŭ praz žorstkaje zatrymańnie, sud daŭžynioj čatyry z pałovaj miesiacy i pamieram na 158 tamoŭ, pravioŭ dva hady ŭ śledčym izalatary i amal dva hady ŭ mahiloŭskaj kałonii № 15, a taksama žyćcio pad nahladam paśla vychadu ŭ Biełarusi.
Daniła Čul byŭ zatrymany 2 sakavika 2021 hoda ŭ miežach kryminalnaj spravy, zaviedzienaj na aktyvistaŭ anarchisckaha ruchu z Bresckaj vobłaści.
Chłopcu było pradjaŭlenaje abvinavačvańnie pavodle art. 342 Kryminalnaha kodeksu (arhanizacyja albo aktyŭny ŭdzieł u hrupavych dziejańniach, hruba parušajučych hramadski paradak) i pa č. 2 art. 285 Kryminalnaha kodeksa (stvareńnie złačynnaj arhanizacyi albo ŭdzieł u joj). Prysud: 5 hadoŭ kałonii va ŭmovach uzmocnienaha režymu. Vyjšaŭ na volu 1 sakavika 2025 hoda.
«Na druhi miesiac paśla vyzvaleńnia mianie vyklikali ŭ HUBAZiK na «razmovu». Abiacali «hadzinu-paŭtary», ale zamiest hetaha ja pravioŭ tam piać. Cisnuli psichałahična, patrabavali infarmacyju, jakoj u mianie nie było. Pahražali novymi sutkami, novaj kryminalnaj spravaj, kali nie pačnu «supracoŭničać».
U toj momant stała kančatkova jasna: zastavacca — značyć znoŭ stracić svabodu ci žyćcio. Znachodžusia ŭ Polščy, žyvu ŭ šełtary. Ja chaču znajści dach nad hałavoj, źviarnucca da psichołaha, asvoicca ŭ novaj realnaści».
Padtrymać chłopca možna na BYSOL.
-
DAI prapanuje zamianić nievialikija maršrutki aŭtobusami bolšaj umiaščalnaści
-
«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ
-
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć6
Kamientary