Флагшток: Па справе «Беларускага Гаюна» ў адной Гомельскай вобласці затрымалі больш за 250 чалавек
Праваабаронцы на мінулым тыдні заяўлялі, што вядома мінімум пра 40 затрыманых па справе «Гаюна».
Паводле даных «Флагштока», больш як 250 жыхароў Гомельскай вобласці былі затрыманыя з пачатку 2025 года ў межах справы «Беларускага Гаюна».
Гэта адбылося пасля таго, як сілавікі атрымалі базу карыстальнікаў, якія дасылалі гэтай маніторынгавай суполцы паведамленні пра перамяшчэнні расійскіх войск па тэрыторыі Беларусі падчас нападу на Украіну.
Афіцыйнай інфармацыі аб колькасці затрыманых няма, але прыкладную лічбу вызначылі ў «Флагштоку», звярнуўшыся да сяброў і блізкіх фігурантаў.
Некаторыя даведаліся выпадкова, што па крымінальным артыкуле аб «садзейнічанні экстрэмісцкай дзейнасці» затрымана больш за 250 чалавек з Гомельскай вобласці, якія адпраўлялі паведамленні «Гаюну».
Акрамя таго, у спісах на затрыманне могуць знаходзіцца ўвогуле больш за тысячу чалавек. Сілавікі праводзяць затрыманні па чарзе.
«Бяруць вялікімі партыямі — аформілі, паехалі за новымі», — патлумачыў адзін суразмоўца.
Праваабаронцы на сёння заявілі, што вядома пра мінімум 53 затрыманых па справе «Гаюна».
Лукашэнка: Раман Пратасевіч — даўні супрацоўнік беларускай разведкі59
Каментары