«Zasuńcie sabie sankcyi ŭ adno miesca, spadar tancor na kaściach». Kamandzir Sił bieśpiłotnikaŭ USU rezka adkazaŭ ministru zamiežnych spraŭ Vienhryi
«Zasuńcie sabie ŭ zadnicu, spadar tancor na kaściach, vašy sankcyi i abmiežavańni na naviedvańnie Vienhryi», — kamandzir Sił bieśpiłotnych sistem Uzbrojenych sił Ukrainy, etničny vienhr Robiert «Madziar» Broŭdzi adkazaŭ ministru zamiežnych spraŭ Vienhryi Pieteru Sijarta, jaki zabaraniŭ jamu ŭjezd u krainu i pieramiaščeńnie pa Šenhienie paśla ŭkrainskich udaraŭ pa naftapravodzie «Družba».
«Redkaja ptuška imituje ranieńnie, abaraniajučy ad napadnika svajo hniazdo — tady, kali heta maje sens. Ukrainskaja ptuška ŭ momant niebiaśpieki addaje pieravahu aktyŭnym dziejańniam dziela adporu vorahu. Zasuńcie sabie ŭ zadnicu, spadar tancor na kaściach, vašy sankcyi i abmiežavańni na naviedvańnie Vienhryi. Ja — ukrainiec i prybudu na radzimu majho baćki ŭžo paśla vas. Sapraŭdnych vienhraŭ u Vienhryi chapaje. I kali-niebudź vy im nachłusicie. A nakont abmiežavańniaŭ šenhienu — nie biarycie na siabie bolš, čym možacie vynieści. Dziŭny ŭ vas humar. I śpiecahienty nie ŭ Top-10. Tamu pakul stańcie ŭ čarhu», — adkazaŭ Robiert Broŭdzi.
«Što datyčycca papulizmu nakont nibyta pahrozaŭ suvierenitetu Vienhryi — pradavajcie heta i dalej miascovamu lumpienu, pakul jon jašče isnuje ŭ niejkaj kolkaści i na hetaje «bła-bła» viadziecca».
«Ale zapomnicie čorna-biełuju pazicyju etničnaha vienhra, ukrainskaha vajskoŭca, kamandzira ptušak Uzbrojenych sił Ukrainy: pakul vy moliciesia na naftapravod «Družba», vy abaraniajecie nie suvierenitet Vienhryi, a ŭłasnyja brudnyja kišeni, napoŭnienyja padsankcyjnaj tannaj syravinaj, kuplajučy jakuju, vy datyčnyja da pamnažeńnia kryvavych hrošaj, što laciać u zvarotnym kirunku rakietami i šachiedami pa mirnych haradach Ukrainy, i tolki siońnia, 28 žniŭnia 2025 hoda, zabili dziasiatki ŭkraincaŭ u Kijevie», — dadaŭ jon.
«Vašy kaniečnaści pa łokci va ŭkrainskaj kryvi. I my heta budziem pamiatać. Biez pretenzij na palityku. Čysta reakcyja vajskoŭca — hramadzianina Ukrainy — na apublikavanaje vami vykazvańnie», — napisaŭ vajskoviec.
Ministr zamiežnych spraŭ Polščy Radasłaŭ Sikorski taksama adkazaŭ Pieteru Sijarta, padtrymaŭ «Madziara» i sardečna zaprasiŭ jaho ŭ Polšču: «Pakul rasijskija rakiety sypluć śmierć ź nieba pa Kijevie, Vienhryja zabaraniaje ŭjezd śmiełamu etničnamu vienhru, jaki naśmieliŭsia zmahacca za ŭkrainskuju svabodu. Kamandzir «Madziar», kali vam spatrebicca adpačynak i adnaŭleńnie, a Vienhryja vas nie ŭpuścić, kali łaska, budźcie našym hościem u Polščy».
414-ja asobnaja bryhada bieśpiłotnych sił «Ptuški Madziara», jakuju Broŭdzi ŭznačalvaŭ da pryznačeńnia kamandujučym Siłami bieśpiłotnych sistem USU, padziakavała Sikorskamu: «Dziakuj za vašu mahutnuju padtrymku i dakładnuju pazicyju. Kali Vienhryja začynić dźviery, my z radaściu pastukajem u Polšču — i padzielim jakija-niebudź dobryja pirohi».
«Damovilisia. Ja surjozna», — adkazaŭ Sikorski.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama4
Kamientary
[Zredahavana]