Znojdzieny pad Viciebskam bivień mamanta mahło prynieści tudy tałymi vodami
Na miescy znachodki trochmietrovaha biŭnia mamanta ŭ Viciebskim rajonie pradstaŭniki Instytuta historyi Nacyjanalnaj akademii navuk Biełarusi praviali daśledavańni i ŭziali ŭzory devonskich kramianioŭ. Pra heta BiełTA paviedamiŭ hałoŭny śpiecyjalist upraŭleńnia kultury Viciebskaha abłvykankama Dzianis Jurčak.
U Viciebskim rajonie, dzie ŭ pačatku žniŭnia kiroŭcy, jakija raspracoŭvali karjer «Šałyhi», znajšli bivień mamanta, siońnia pabyvali navukovyja supracoŭniki Instytuta historyi NAN Biełarusi Alaksandr Vašanaŭ i Aleh Tkačoŭ. Jany praviali abśledavańnie miesca znachodki.
Pa słovach śpiecyjalistaŭ, u karjery pradstaŭlenyja vodna-lednikovyja adkłady paazierskaha abledzianieńnia, toŭšča jakich ŭtvarajecca roznaziarnistymi piaskami z uklučeńniem bujnych halek i vałunoŭ.
«Padobnaja nasyčanaść abłomačnym materyjałam śviedčyć pra davoli mahutnyja vodnyja patoki. Pry hetym pradstaŭlenyja taksama ŭ stratyhrafii vodna-ledavikovyja adkłady drobnaziarnistych piaskoŭ, jakija markirujuć bolš spakojnyja vodnyja patoki. Mienavita ŭ adkładach i byŭ znojdzieny bivień. Najbolš vierahodna, što jon źjaŭlajecca pieraadkładzienym i byŭ pryniesieny siudy tałymi vodami, bo pobač niama inšych kostak. Dakładny ŭzrost mamanta moža być vyznačany ŭ vyniku praviadzieńnia radyjovuhlarodnaha daśledavańnia», — paviedamiŭ Dzianis Jurčak.
Jon dadaŭ, što pradstaŭniki NAN taksama ahledzieli raźmieščany niepadalok dałamitavy karjer «Hralova» i ŭziali dla vyvučeńnia ŭzory devonskich kremniaŭ — apadkavaj parody, jakaja źmiaščaje zakamianiełaści arhanizmaŭ.
Ciapier čytajuć
Łatuška: U Piatkievič treślisia ruki, hałava, jana tupała, kryčała: «Vy nasadžajecie nacyjanalizm»39
Kamientary