Mytny kamitet nastojliva rekamienduje spynić machlarskija schiemy na miažy i navat zapisaŭ pakajalnaje videa
Dziaržaŭny mytny kamitet nastojliva rekamienduje spynić roznyja machlarskija schiemy pa prodažy miescaŭ u čarzie, uklińvańni ŭ čarhu, niezakonnamu vykarystańniu lhotnaha prava na pierasiačeńnie miažy na vyjezd z našaj krainy.
Paviedamlajecca, što kampietentnyja słužby ŭ kruhłasutačnym režymie zabiaśpiečvajuć manitorynh takich «zarobkaŭ» na ŭsich učastkach miažy.
«Padobnyja dziejańni spyniajucca i niepaźbiežna ciahnuć za saboj surjoznyja pravavyja nastupstvy ŭ vyhladzie padatkaŭ i štrafaŭ. I takija pakarańni ŭ niekalki razoŭ pieravyšajuć atrymanuju vyhadu. Nie zabyvajcie pra ludziej, jakija na zakonnych padstavach vykarystoŭvajuć pryjarytetnaje pierasiačeńnie miažy i im sapraŭdy heta nieabchodna. Pavažajcie tych, chto pobač z vami», — havorycca ŭ paviedamleńni Mytnaha kamiteta.
Mytny kamitet navat zapisaŭ pakajalnaje videa z adnym ź biełarusaŭ, što prapanoŭvaŭ pasłuhi pa spryjalnym pierasiačeńni miažy.
«U žniŭni 2025 hoda ja vyrašyŭ zarabić hrošy pa prodažy miesca čarhi dla asob, jakija vyjazdžajuć za miežy Respubliki Biełaruś. Z hetaj metaj ja raźmiaściŭ abjavu ŭ troch hrupach u «Vajbierie». U asabistuju pierapisku da mianie źviartalisia asoby, jakija chacieli chutčej vyjechać ź Biełarusi. Na asabistym aŭtamabili ja zajmaŭ miesca ŭ žyvoj čarzie na ŭjezd u zonu čakańnia. Kali da ŭjezdu ŭ zonu zastavałasia kala hadziny, ja vyjazdžaŭ z čarhi, a miesca zajmaŭ inšy čałaviek, ad jakoha ja atrymlivaŭ hrašovuju ŭznaharodu ŭ pamiery 50 dalaraŭ. Zaraz svajo abvinavačvańnie pryznaju, zroblenym raskajvajusia, abiacaju ŭ nastupnym tak bolš nie pastupać», — kaža mužčyna na fonie vieličeznaha čyrvona-zialonaha ściaha».
Pa stanie na 10:00 suboty na pierachodzie «Brest» na polskaj miažy znachodzilisia 3830 lehkavych aŭtamabilaŭ i piać aŭtobusaŭ. Nahadajem, što ŭ pačatku žniŭnia kolkaść lehkavikoŭ pieravaliła za 3000, a 16 žniŭnia za 4000. Tolki ŭčora kolkaść mašyn znoŭ upała za 4000.
Na litoŭskaj miažy ŭ «Kamiennym Łohu» — 270 lehkavych aŭto, u «Bieniakoniach» — 280. Papiarednija dni byli bolš za 300.
Na łatvijskaj miažy ŭ «Hryharaŭščynie» — 35 aŭto.
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary