Z 1 kastryčnika mianiajecca paradak raźliku za žyllova-kamunalnyja pasłuhi dla ludziej, nie zaniatych u ekanomicy
Pavyšanaja płata za žyllova-kamunalnyja pasłuhi budzie prymianiacca da ŭsioj płoščy kvatery, jakaja naležyć nie zaniatamu ŭ ekanomicy, a nie praparcyjna kolkaści pražyvajučych.
Takija źmieny ŭniesieny ŭ instrukcyju ab raźlikach u śfiery žyllova-kamunalnaj haspadarki, raspaviała namieśnik načalnika ŭpraŭleńnia Minžyłkamhasa Anastasija Malinoŭskaja na pres-kanfierencyi ŭ Nacyjanalnym pres-centry, paviedamlaje Reform.news.
Adpaviednaja pastanova Savieta ministraŭ ustupaje ŭ siłu z 1 kastryčnika.
«Najbolš istotnyja źmieny zakranuli siońnia padychody da naličeńnia płaty za žyllova-kamunalnyja pasłuhi, niekatoryja kamunalnyja pasłuhi ŭ dačynieńni da žyłych pamiaškańniaŭ, jakija naležać hramadzianam, nie zaniatym u ekanomicy. Kali siońnia i, adpaviedna, da 1 kastryčnika hoda, naličeńnie płaty ŭ dačynieńni da žyłych pamiaškańniaŭ, jakija naležać hramadzianam, nie zaniatym u ekanomicy, ažyćciaŭlajecca ŭ pieršuju čarhu ŭ vypadku, kali takija hramadzianie zarehistravanyja ŭ kvaterach, što im naležać, i praparcyjna kolkaści hramadzian.
Naprykład, kvatera 60 kvadratnych mietraŭ naležyć hramadzianinu, nie zaniatamu ŭ ekanomicy, i jon u hetaj kvatery zarehistravany pa miescy žycharstva, i razam ź im pražyvajuć jašče dva hramadzianiny, adpaviedna, naprykład, pasłuha ciepłazabieśpiačeńnia naličvałasia b praparcyjna kolkaści pražyvajučych. To bok, 60 kvadrataŭ dzielim na traich. Atrymajecca, u dačynieńni da adnoj treci, abo 20 kvadrataŭ, prymianialisia b pavyšanyja taryfy, adpaviedna, astatnija 40 kvadrataŭ — pa subsidavanych taryfach.
Z 1 kastryčnika 2025 hoda, u vypadku, kali hramadzianin trapiŭ u śpis hramadzian, nie zaniatych u ekanomicy, i jon źjaŭlajecca ŭłaśnikam kvatery, pryčym niezaležna ad ich kolkaści (adna, dźvie ci bolš), u dačynieńni da ŭsich kvater, u dačynieńni da ŭsiaho abjomu spažyvajemych pasłuh ciepłazabieśpiačeńnia, haračaha vodazabieśpiačeńnia, padahrevu vady i hazazabieśpiačeńnia buduć prymianiacca ekanamična abhruntavanyja taryfy», — prakamientavała Malinoŭskaja.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary