Incydent adbyŭsia pablizu Karelič. Supracoŭniki DAI zaŭvažyli Volkswagen bieź piaredniaha bampiera i rehistracyjnaha znaka. Jany padali sihnał ab spynieńni, jaki kiroŭca praihnaravaŭ i pasprabavaŭ schavacca, paviedamlaje pres-słužba MUS.
«Na nieadnarazovyja zakonnyja patrabavańni spynicca parušalnik nie reahavaŭ, vilajučy pa prajeznaj častcy, vyjazdžajučy na abočynu, stvarajučy realnuju pahrozu žyćciu i zdaroŭju inšych udzielnikaŭ darožnaha ruchu. Paśla papiaredžańnia ab užyvańni zbroi inśpiektar ździejśniŭ prycelnyja streły pa kołach. Aŭto spyniłasia», — raspaviali ŭ pres-słužbie.
Za rulom aŭtamabila znachodziŭsia 35-hadovy miascovy žychar. Jon nikoli nie atrymlivaŭ pravoŭ. Miedahlad pakazaŭ 1,8 pramile ałkaholu.
Mužčyna źmieščany ŭ IČU. Aŭtamabil znachodzicca na achoŭvajemaj stajancy. U dačynieńni da parušalnika składziena 8 administracyjnych pratakołaŭ.
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary