Zialenski: Pucin sprabuje abduryć Trampa i robić usio mahčymaje, kab paźbiehnuć sankcyj
Prezident Ukrainy zajaviŭ, što samit na Alascy z Donaldam Trampam šmat čaho daŭ Pucinu.
Zialenski taksama zajaviŭ, što Pucin «chacieŭ vyrvacca z palityčnaj izalacyi» z dapamohaj samitu na Alascy i ličyć, što «jamu varta było zapłacić bolš» za sustreču z prezidentam ZŠA, piša UNIAN.
«Jon pavinien byŭ atrymać adkat u hetaj vajnie i spynicca. Ale zamiest hetaha jon atrymaŭ deizalacyju. Jon atrymaŭ fatahrafii z prezidentam Trampam. Jon atrymaŭ publičny dyjałoh, i ja dumaju, što heta adkryvaje Pucinu dźviery dla inšych samitaŭ i farmataŭ, tamu što tak jano i jość, i my heta bačym, my heta nazirajem, i ja nie dumaju, što jon za heta niešta zapłaciŭ».
Prezident padkreśliŭ, što vielmi važna nie davać Pucinu mahčymaści vyjści ź izalacyi, bo inakš jon nie budzie adčuvać siabie abaviazanym spynić vajnu.
«Jon raźviazvaje vajnu, i ŭsie sprabujuć spynić jaho, spračajučysia i prosiačy, ale zamiest hetaha varta ŭžyvać siłu. Jon razumieje siłu. Heta jaho mova. Heta mova, jakuju jon razumieje», — skazaŭ Zialenski.
Jon padkreśliŭ, što Pucin «robić usio mahčymaje, kab paźbiehnuć sankcyj, nie dać ZŠA i Trampu ŭvieści suprać jaho sankcyi, i kali vy budziecie praciahvać adkładać uviadzieńnie sankcyj, to rasijanie buduć lepš padrychtavanyja».
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
-
Źjavilisia spadarožnikavyja zdymki z nastupstvami ŭdaru rakiet pa branskim zavodzie mikraelektroniki — jon razburany
-
Rasijskija vajenkary zajaŭlajuć, što straty dasiahnuli nieprymalnaha ŭzroŭniu. «Čakaje nas remiejk vosieni 2022 hoda»
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary