A ŭ paniadziełak pavietra prahrejecca ŭžo da +20 hradusaŭ.
Atmaśfierny cisk u Biełarusi pačnie intensiŭna raści ŭ niadzielu, 25 krasavika. Pad upłyvam antycykłonu, što pieramiaščajecca z Zachodniaj Jeŭropy, nadvorje pačnie palapšacca, paviedamiłahałoŭny sinoptyk Respublikanskaha hidramieteacentra Volha Fiadotava.
Rezkaje pachaładańnie z 22 krasavika abumoŭlena pastupleńniem pavietranych mas z Paŭnočnaj Atłantyki. Siaredniasutačnaja tempieratura za minułyja sutki paniziłasia da 3‑6 hradusaŭ ciapła, prajšli daždžy, miescami śnieh. Darečy, śnieh u treciaj dekadzie krasavika ŭ paŭnočnych rajonach Biełarusi adznačajecca prykładna raz u piać hadoŭ, na poŭdni — raz u 13‑15 hadoŭ.
U najbližejšyja sutki chałodnaje nadvorje jašče zachavajecca.
Atmaśfiernyja franty z Bałtyjskaha mora pryniasuć daždžy hetaj nočču ŭ asnoŭnym u paŭnočna‑zachodnija rajony, a dniom na bolšuju častku terytoryi krainy. Mahčymy i mokry śnieh. Padźmie paryvisty paŭdniova‑zachodni viecier, jaki ŭdzień źmienicca na paŭnočna‑zachodni, miescami mahčymy paryvy da 15‑20 mietraŭ u siekundu. Tempieratura pavietra nočču składzie ad minus 2 da plus 4 hradusaŭ, a zaŭtra dniom nie pieravysić 6‑12 hradusaŭ ciapła, pa poŭdni budzie da 15 hradusaŭ vyšej za nul.
U niadzielu ŭ asnoŭnym budzie biez apadkaŭ, tolki nočču na ŭschodzie krainy projdzie nievialiki doždž z mokrym śnieham. Unačy budzie jašče choładna: va ŭmovach małavobłačnaha nadvorja słupok termomietra apuścicca da adznaki minus 5 — plus 2 hradusy.
A voś dniom u niadzielu sonca prahreje pavietra da 8‑15 hradusaŭ ciapła, u Bresckaj vobłaści budzie da plus 17 hradusaŭ.
26 krasavika Biełaruś zastaniecca va ŭładzie antycykłonu, tamu apadkaŭ nie čakajecca. Ranicaj u nizinach mahčymy tuman. Unačy taksama budzie choładna — ad minus 5 hradusaŭ pa ŭschodzie da plus 4 hradusaŭ pa paŭdniovym zachadzie Biełarusi. A dniom u paniadziełak pavietra prahrejecca da 11‑18 hradusaŭ ciapła, u Bresckaj vobłaści — da 20 hradusaŭ.
27 krasavika nočču budzie ŭžo ad 1 da 8 hradusaŭ ciapła, dniom — plus 9‑16 hradusaŭ, na paŭdniovym uschodzie pavietra prahrejecca da 20 hradusaŭ.
U cełym da siaredziny nastupnaha tydnia nadvorje možna budzie acharaktaryzavać jak niaŭstojlivaje: miescami projduć karotkačasovyja daždžy, mahčymy navalnicy.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary