Rybnaja karaleva Biełarusi Niaronskaja stanie restarataram. A maładoha ziacia Łukašenki zrabiła svaim dyrektaram
29 lipienia siabroŭka siamji Viktara i Lilii Łukašenkaŭ, «rybnaja karaleva» Ludmiła Niaronskaja, zarehistravała čarhovuju kampaniju — «Marskaja manufaktura». Firma zasiarodzicca na dziejnaści restaranaŭ, piša «Biuro».
5% «Marskoj manufaktury» naležyć samoj Niaronskaj, a astatnija 95% zapisanyja na jaje ž kampaniju «Marskija siezony».
Dyrektaram svajoj novaj firmy Niaronskaja pryznačyła Dźmitryja Dziatłava — muža starejšaj dački Viktara Łukašenki, Viktoryi Dziatłavaj (Łukašenki).
Na siońnia na «Marskuju manufakturu» ŭžo zarehistravanyja čatyry abjekty hramadskaha charčavańnia: stałovaja na 60 pasadačnych miescaŭ, dźvie kaviarni i krama-kulinaryja.
Firmovy handlovy punkt raźmieścicca na praśpiekcie Niezaležnaści, 134, akurat nasuprać handlovaha centra Dana Mall.
Abiedźvie kaviarni, na 40 pasadačnych miescaŭ kožnaja, buduć nazyvacca «Rybny dom «Marskija siezony». Pieršaja adkryjecca pa adrasie: Partyzanski praśpiekt, 8, u budynku «Motaviełazavoda», druhaja — Ihumienski trakt, 13.
Raniej raskazvałasia, jak Niaronskaja dziakujučy siabroŭstvu ź siamjoj starejšaha syna Łukašenki zarablaje na rybnym biznesie ŭ Biełarusi i Rasii razam ź Dźmitryjem Dziatłavym. Jon zajmaje pasadu namieśnika pa ahulnych pytańniach adrazu ŭ dźviuch kampanijach Ludmiły Niaronskaj — «Marskija siezony» i «Marskija promysły», dzie jaho štomiesiačnaja zarabotnaja płata bruta składaje bolš za 10 tysiač biełaruskich rubloŭ.
Akramia taho, niadaŭna «Biuro» vyśvietliła, što ŭ strukturach Niaronskaj pracuje nie tolki ziać, ale i syn Viktara Łukašenki — Alaksandr Łukašenka-małodšy. U jaho va ŭłasnaści 20% kampanii «Siezon upakoŭki», jana budzie zajmacca vytvorčaściu hafravanaj papiery i kardonu, papiarovaj i kardonnaj tary. Firma zarehistravanaja ŭ admysłovaj ekanamičnaj zonie «Bremina-Orša», jakuju z-za šyrokich ilhot i prefierencyj u narodzie prazvali «aršanskim afšoram».
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary
Łobbizm po-biełorusski, ili uzakoniennaja forma vziatočničiestva dla Łukašienko.