Načalnikam hałoŭnaha ŭpraŭleńnia ideałahičnaj raboty i pa spravach moładzi Minharvykankama pryznačany Alaksandr Łukjanaŭ, paviedamlaje Minharvykankam.
Łukjanaŭ naradziŭsia 10 červienia 1989 hoda ŭ Mahilovie ŭ siamji ratavalnika. Skončyŭ instytut MNS. Pracavaŭ načalnikam adździeła ŭ Navukova-daśledčym instytucie pažarnaj biaśpieki i nadzvyčajnych situacyj MNS. Z 2021 hoda jon byŭ kiraŭnikom BRSM.
Na paru z Ryhoram Azaronkam u svoj adpačynak Łukjanaŭ u 2023‑m naviedvaŭ akupavanyja terytoryi Zaparožskaj i Chiersonskaj abłaściej. Letaś naviedvaŭ zachoplenuju rasijanami Aŭdziejeŭku.
Razam z fondam Alaksieja Tałaja paśla pačatku vajny va Ukrainie ideołah źbiraje dla dziaciej Danbasa humanitarku i kiruje pracesam ich azdaraŭleńnia ŭ Biełarusi.
Pierad hetym hałoŭnym ideołaham Minska była eks-pres-sakratarka MUS Volha Čamadanava, jakuju ŭ červieni abrali staršynioj partyi «Biełaja Ruś».
Novym kiraŭnikom upraŭleńnia žyllovaj palityki Minharvykankama staŭ Siarhiej Šakiel, jaki raniej zajmaŭ pasadu načalnika adździeła žyllovaj palityki administracyi Frunzienskaha rajona h. Minska.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary