Kiraŭnik Biełaruskaha respublikanskaha sajuza moładzi i člen Savieta Respubliki Alaksandr Łukjanaŭ naviedaŭ ukrainski horad Aŭdziejeŭku, jaki ź lutaha znachodzicca pad rasijskaj akupacyjaj. Pra heta paviedamiŭ kiraŭnik tak zvanaj Danieckaj Narodnaj Respubliki Dzianis Pušylin, ale paźniej vydaliŭ post, zaŭvažyła «Lusterka».
Dopis byŭ apublikavany ŭviečary 23 žniŭnia. U paviedamleńni zaznačałasia, što hości ź Biełarusi pryvieźli žycharam horada «vielmi patrebnyja koŭdry» i ikonu Kazanskaj Božaj Maci sa Śviata-Hieorhijeŭskaha manastyra horada Babrujska».
«Heta daloka nie pieršaja dapamoha ad bratniaha naroda, mnohija, z kim sustrakalisia, pačynali dziakavać, raspaviadajučy pra dapamohu biełaruskich siabroŭ, prasili pieradać słovy ŭdziačnaści Alaksandru Łukašenku», — napisaŭ Pušylin.
Horad Aŭdziejeŭka, u jakim da rasijskaha ŭvarvańnia pražyvała bolš za 30 tysiač čałaviek, byŭ značna razburany padčas vajny. 16 žniŭnia 2024 hoda Uzbrojenyja siły Ukrainy pryniali rašeńnie advieści vojski z horada.
Načalnik milicyi Brahina stralaŭ u svaju žonku. Jana cudam vyžyła9
Kamientary