Kamisija pa viartańni pry Hienprakuratury razhledzieła zvarot maładoha čałavieka, jaki ŭ 2022 hodzie ŭciok ad vajny i słužby ŭ armii ŭ Polšču, ale praz try hady vyrašyŭ viarnucca, paviedamlaje news.by.
Jak raspaviadajuć prapahandysty, u kamisiju źviarnuŭsia Daniił Bialajeŭ. Ź im jany źniali prapahandyscki siužet.
Chłopiec kaža, što 4 sakavika 2022 hoda jon źjechaŭ u Polšču.
— Była mahčymaść zarabić tam hrošaj. Šmat maich znajomych tady jeździli ŭ Polšču, zarablali. U mianie finansavaje stanovišča było nie najlepšaje. I razam z tym, što pačałosia ŭ śviecie…
— Ty maješ na ŭvazie śpiecyjalnuju vajennuju apieracyju? — pytaje prapahandystka Ksienija Lebiedzieva.
— Nu tak, u pryvatnaści i heta. I ja vyrašyŭ źjechać, bo tady nie dumaŭ pra adkaznaść. Pra kryminalnuju adkaznaść ja nie zadumvaŭsia. A ŭžo kali źjechaŭ — zrazumieŭ, što pamyliŭsia.
Lebiedzieva raskazvaje, što žyćcio ŭ Polščy akazałasia zusim nie takim lohkim: žyllo darahoje, vydatki ledź pakryvali dachody.
«Dva razy za hety čas jon moh by ŭžo adsłužyć u Biełarusi i žyć spakojna. Ale strach pierad adpraŭkaj u zonu bajavych dziejańniaŭ, a potym strach pierad kryminalnaj adkaznaściu prymušali jaho nazapašvać inšy žyćciovy dośvied», — tłumačyć jana.
Chłopiec napisaŭ u kamisiju. Bo jon byŭ u vyšuku, jamu pryznačyli mieru — utrymańnie pad vartaj.
Kamisija pryniała stanoŭčaje rašeńnie adnosna jaho. «Zakanadaŭstva dazvalaje: u vypadku dobraachvotnaj jaŭki ŭ vajenkamat i prachodžańnia ŭsich mierapryjemstvaŭ pryzyvu kryminalny pieraśled spyniajecca. Jon zajaviŭ, što hatovy prajści słužbu, u tym liku pa kantrakcie», — kaža Lebiedzieva.
Heta byŭ pieršy padobny vypadak u kamisii, ale ŭžo ŭ toj ža dzień razhladali jašče adzin anałahičny zvarot, raspaviała Lebiedziava.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary