U Minsku płanujuć pabudavać novy pravasłaŭny chram. Jon raźmieścicca na skryžavańni vulic Janki Bryla i Hurskaha ŭ Maskoŭskim rajonie.
Na hetym etapie minčan zaprašajuć abmierkavać architekturna-płanirovačnuju kancepcyju abjekta.
Płošča ŭčastka, na jakim miarkujecca raźmiaścić chram Iaana Kranštackaha, — 0,48 ha. Z paŭnočna-zachodniaha boku da jaho prymykaje terytoryja z ofisnym budynkam, z paŭnočnaha — vulica Hurskaha, z paŭdniovaha — vulica Janki Bryla.
Voś jak apisvajecca architektura budynka: architekturna-mastackaje rašeńnie i abjomna-prastoravaja kampazicyja chrama hruntujucca na tradycyjach vizantyjskaha chramavoha dojlidstva. Formy asnoŭnych architekturnych elemientaŭ vyznačajucca pravasłaŭnaj tradycyjaj i simvolikaj.
Zamoŭcam budaŭnictva vystupaje prychod chrama praviednaha Iaana Kranštackaha ŭ Minsku Minskaj jeparchii Biełaruskaj Pravasłaŭnaj Carkvy.
«Novy chram stanie kulturnym i duchoŭnym centram Maskoŭskaha rajona, u pryjarytecie jakoha budzie ažyćciaŭlacca duchoŭna-aśvietnickaja praca pa zachavańni i raźvićci chryścijanskaj kultury hramadstva, umacavańni pravasłaŭnych tradycyj, farmiravańni siarod nasielnictva zdarovaha ładu žyćcia, patryjatyčnamu i duchoŭna-maralnamu vychavańniu dziaciej i moładzi», — havorycca ŭ abhruntavańni.
Hramadskaje abmierkavańnie architekturna-płanirovačnaj kancepcyi abjekta «Uźviadzieńnie chrama praviednaha Iaana Kranštackaha pablizu skryžavańnia vuł. Janki Bryla i vuł. Hurskaha ŭ h. Minsku» budzie pravodzicca z 20 kastryčnika pa 4 listapada ŭklučna.
Aznajomicca z materyjałami možna na sajcie administracyi Maskoŭskaha rajona. A zaŭvahi i prapanovy prymajucca ŭ piśmovaj formie, u tym liku pa elektronnaj pošcie.
Nahadajem, što ŭ pačatku vulicy Hurskaha znachodzicca viadomaja pratestanckaja carkva «Božaj łaski» chryścijan viery jevanhielskaj
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?7
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4343
Kamientary