Hramadstva33

Cichanoŭskaja: Siońnia najlepšy dzień dla taho, kab padziakavać tym, chto daravaŭ nam žyćcio

Demakratyčnaja lidarka Biełarusi apublikavała zvarot da Dnia maci, jaki adznačajecca siońnia.

Fota z asabistaha archiva Śviatłany Cichanoŭskaj.

«Dziakuj za ŭsio, Mama! Siońnia najlepšy dzień dla taho, kab padziakavać tym, chto daravaŭ nam žyćcio. Našym matulam. 

Ja chaču padziakavać kožnaj matuli. Kožnaj, chto haduje dziaciej u hetyja ciažkija časy, vučyć ich adroźnivać dabro i zło, vieryć u siabie i nie bajacca być sumlennymi. Kožnaj, chto lubić i čakaje svaich synoŭ i dačok z turmy ci z vyhnańnia, nie pierastajučy spadziavacca na chutkuju sustreču. Kožnaj, chto achviaravaŭ svabodaj dziela taho, kab jaje dzieci žyli ŭ volnaj krainie. Kožnaj, chto pracuje, kłapocicca, vučyć, abaraniaje — i pry hetym znachodzić siły ŭśmichacca. 

«Vy — naš honar, našaja piaščota, našaja apora. Vy nahadvajecie, što Biełaruś — heta ludzi, zdolnyja lubić, daravać i stvarać žyćcio navat tam, dzie zdajecca, što ŭsio razburana. Chaj dzieci i ŭnuki skažuć vam toje, što časta zabyvajuć skazać: dziakuj za biassonnyja nočy, za vieru, za siłu, za vašuju biaskoncuju i bieśpiarečnuju luboŭ, jakaja nie zaležyć ad źniešnich abstavinaŭ. 

Na žal, siońnia nie ŭsie mohuć asabista pavinšavać svaich matul — režym zrabiŭ usio mahčymaje, kab stvaryć pieraškody, adarvać nas ad rodnych, pazbavić hetaj važnaj suviazi. Ale ni adlehłaść, ni ścieny turmaŭ, ni vyhnańnie nie mohuć razburyć toje, što maci adčuvaje sercam.

Ja ad usioj dušy zyču kožnaj mamie ŭ Biełarusi i za jaje miežami jak maha chutčej abniać svaich dziaciej. Kab hetyja abdymki byli doŭhimi, jak čakańnie, i ciopłymi, jak maciarynskaja luboŭ. Kab u kožnym domie znoŭ hučaŭ śmiech, a Biełaruś adčuła siabie adnoj vialikaj siamjoj, u jakoj panuje luboŭ», — zaznačyła Śviatłana Cichanoŭskaja.

Kamientary3

  • Nievierahodnyja dzieci tvaje
    14.10.2025
    Dziakuj vialiki, darahaja Śviatłana. Apošnija 5 hadoŭ našaja śviataja maci - heta ty! Dziakuj, što padaravała nam siabie!
  • Amen
    14.10.2025
    Niachaj budzie tak!
  • Janka
    14.10.2025
    Sama ideja Dnia maci - pryhožaja. Ale baču haniebnym adznačać jaho u adzinaasobna pryznačieny u 1996 łukašenkaj dzień, dy ŭ dadatak pryviazany da rpcšnaha "dnia Pakrova Preśviatoj Baharodicy". Spadziajusia, nikomu nia treba tłumačyć, što paśla 2022 rpc kančatkova prademanstravała svaju sutnaść ŭ jakaści kramloŭskaha šapito. Bolšaść krainaŭ ŭ suśviecie adznačajuć hety dzień u druhuju niadzielu traŭnia, ale amal što ŭsie - ŭviosnu.

«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2

«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka

Usie naviny →
Usie naviny

Na aŭkcyjonie karcinu Šahała pradali za 3 miljony dalaraŭ3

79‑hadovuju piensijanierku ŭ Stolinskim rajonie šukali 4 dni i znajšli žyvoj5

U Kitai praciahvajucca žorstkija čystki ŭ armii: palacieła hałava druhoha čałavieka ŭ vojsku3

«Ja dumaju, Pucin choča zaviaršyć vajnu». Tramp sustreŭsia ŭ Biełym domie ź Zialenskim23

Fiłosaf Mackievič prapanuje stvaryć varyjant biełaruskaj ruskaj movy, kab zblizić jaje ź biełaruskaj131

Polski sud admoviŭsia vydavać Hiermanii abvinavačanaha ŭ padryvie «Paŭnočnaha patoka»4

Alaksandr Azaraŭ zakryvaje fond Bypol4

U «Biełarusnafcie» raskazali, jak vyrašajuć prablemu čerhaŭ na AZS6

U minskaj Kamaroŭki źjaviŭsia kankurent. Jakija ceny na hetym «sakretnym» rynku?5

bolš čytanych navin
bolš łajkanych navin

«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2

«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka

Hałoŭnaje
Usie naviny →

Zaŭvaha:

 

 

 

 

Zakryć Paviedamić