Dyrektarku daśledčaj kampanii Mia Research amal dva hady ŭtrymlivajuć za kratami za sacyjałahičnaje daśledavańnie
U śniežni 2023 hoda ŭ Biełarusi zatrymali dyrektarku i suzasnavalnicu daśledčaj kampanii Mia Research Irynu Bujnievič. Uvieś hety čas jaje trymajuć pad vartaj, ale pravaabaroncam pra heta stała viadoma tolki ciapier, piša «Viasna».
Pa stanie na žnivień 2025 hoda Iryna znachodziłasia ŭ SIZA-1 i nad joj užo niekalki miesiacaŭ adbyvaŭsia sud. Ale nieviadoma, ci ŭžo byŭ vyniesieny prysud.
Iryna Bujnievič — dyrektarka i suzasnavalnica daśledčaj kampanii Mia Research. Jana maje dźvie vyšejšyja adukacyi: pieršaja śpiecyjalnaść — sacyjałohija, a druhaja — buchhałtarski ŭlik, analiz i aŭdyt.
Bujnievič zatrymali ŭ śniežni 2023 hoda. Prykładna ŭ toj ža čas byŭ zatrymany i Jaŭhien Kraśnianski, jakoha niadaŭna asudzili da siami z pałovaj hadoŭ źniavoleńnia za sacyjałahičnaje daśledavańnie pra kavid u Biełarusi.
Raniej Śledčy kamitet paviedamlaŭ pra zatrymańnie razam z Kraśnianskim jašče dźviuch minčanak 37 i 43 hadoŭ. Vierahodna, havorka išła ŭ tym liku pra Irynu Bujnievič.
Jak śćviardžała viedamstva, žančyny nibyta pravodzili sacyjałahičnaje daśledavańnie pra najaŭnaść pieravah siarod hramadzian u raźvićci krainy z dapamohaj intehracyi z krainami Jeŭrapiejskaha Sajuza. Kab pryjści da pažadanaha vyniku, žančyny nibyta apytvali pradstaŭnikoŭ fokus-hrupy, jakija majuć «zahadzia niehatyŭnaje staŭleńnie da najaŭnaj u dziaržavie palityčnaj sistemy i kanstytucyjnaha ładu».
Suprać fihurantaŭ spravy byli vystaŭlenyja abvinavačvańni pavodle č. 1 art. 356 KK (zdrada dziaržavie) i art. 243‑3 KK (uchileńnie ad vypłaty strachavych unioskaŭ, što pryviało da naniasieńnia škody ŭ asabliva bujnym pamiery).
Pa infarmacyi pravaabaroncaŭ, u žniŭni hetaha hoda žančyna jašče znachodziłasia ŭ SIZA-1 i pa jaje spravie prajšło šmat sudovych pasiadžeńniaŭ. Nieviadoma, ci ŭžo vynieśli prysud.
Taksama «Viaśnie» viadoma, što kryminalnaja sprava była zaviedzienaja za sacyjałahičnaje daśledavańnie, jakoje pravodziła kampanija, u jakoj Iryna pracavała da zasnavańnia Mia Research. Viadoma, što śviedkaj pa spravie prachodziła kaleha Iryny.
Žančyna ŭ źniavoleńni trymajecca dobra, vyvučaje kitajskuju movu.
Pravaabaroncy majuć imiony 88 zatrymanych pa «spravie Hajuna», ale aryštavanych bolš
Łosik raskazaŭ, jak dva miesiacy tamu sustreŭ pa darozie ŭ kałoniju Palčysa
Za dapamohu Hajunu pasadzili maładoha zampalita pahraničnaj zastavy z Chojnikaŭ
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
Kamientary
Čiem mieńšie otsanietsia na svobodie biełarusov s vysšim obrazovanijem, tiem - łučšie !
Tiem boleje, čto biełarusy, pri trampie, chorošo torhujutsia na mirovom, nievolniċjem rynkie, kotoryj nazyvajetsia "rieałpolitik SŠA".
Von, SŠA, za to, čto im otdadut biełarusov s vysšim obrazovanijem iz tiuriem łukašienko, sohłasny razbłokirovať porty Pribałtiki i uspokoiť Polšu.