Biełaruskaja čyhunka paviedamiła pra źmieny raskładu niekatorych ciahnikoŭ
Biełaruskaja čyhunka časova źmienić raskład ruchu ciahnikoŭ na ŭčastku Mahiloŭ — Orša 29 kastryčnika 2025 hoda. Heta źviazana z płanavym ramontam čyhunačnaha mosta na pierahonie Kopyś — Škłoŭ. U hety dzień niekatoryja ciahniki buduć iści pa źmienienym maršrucie, a častka rejsaŭ budzie ŭvohule admieniena, paviedamlaje pres-słužba BČ.
Tak, ciahnik № 634/633 Kamunary — Hrodna 29 kastryčnika pojdzie abchadnym maršrutam praz Klimavičy, Kryčaŭ-1, Chodasy, Ciomny Les, Pahodzina i Oršu, paśla čaho praciahnie ruch pa zvyčajnym raskładzie da Hrodna. Na ŭčastku Kryčaŭ — Mahiloŭ — Orša hety ciahnik chadzić nie budzie.
Ciahnik № 606 Brest — Połack (ź bieśpierasadačnymi vahonami Homiel — Połack), što adpraŭlajecca 28 kastryčnika, taksama pojdzie pa źmienienym raskładzie.
Rejsy ciahnika № 705/706 Połack — Mahiloŭ — Połack buduć admienienyja.
Biełaruskaja čyhunka prosić pasažyraŭ uličyć hetyja źmieny pry płanavańni pajezdak i vybačajecca za časovyja niazručnaści.
Šrajbman z kalehami prapanavali pakrokavy płan deeskałacyi adnosin Biełarusi i ES53
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4545
Kamientary