U Kramli zajavili, što padčas telefonnaj razmovy prezidenta ZŠA Donalda Trampa i prezidenta Rasii Uładzimira Pucina 16 kastryčnika siarod inšaha padymałasia i pytańnie patencyjnaj pieradačy Ukrainie dalnabojnych kryłatych rakiet Tomahawk. Pra heta paviedamiŭ pamočnik Pucina Juryj Ušakoŭ.
«Pucin u razmovie z Trampam zajaviŭ, što mahčymaja pastaŭka rakiet «Tamahaŭk» naniasie istotnuju škodu adnosinam dźviuch krain, nie kažučy ŭžo pra pierśpiektyvy ŭrehulavańnia va Ukrainie», — zajaviŭ Ušakoŭ.
Na ŭdakładniajučaje pytańnie, ci prymie Tramp rašeńnie ab pastaŭkach hetych rakiet va Ukrainu da sustrečy z Pucinym, Ušakoŭ adkazaŭ tak:
«Tramp zhadaŭ, što jon zaŭtra sustrakajecca ź Zialenskim, i skazaŭ taksama, što padčas kantaktu ź Zialenskim jon uličyć tyja mierkavańni, jakija byli vykazanyja prezidentam Rasiei padčas siońniašniaj telefonnaj razmovy».
Taksama, pa jaho słovach, Pucin raskazaŭ Trampu, što vojski RF nibyta całkam vałodajuć «stratehičnaj inicyjatyvaj» pa ŭsioj linii bajavoha sutyknieńnia, a «kijeŭski režym źviartajecca da terarystyčnych mietadaŭ, na jakija Rasija vymušanaja adkazvać».
U Kramli dadali, što Budapiešt jak miesca sustrečy byŭ prapanavany Trampam, a Pucin heta padtrymaŭ. Sama ž razmova nibyta adbyłasia ź inicyjatyvy rasijskaha boku.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia17
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary