Prezident ZŠA Donald Tramp raspracoŭvaje stratehiju stvareńnia «Fondu pieramohi Ukrainy», jaki budzie finansavacca za košt rezkaha pavyšeńnia taryfaŭ na impart z Kitaja, piša The Telegraph.
Jak piša vydańnie, Donald Tramp daručyŭ svajmu ministru finansaŭ Skotu Biesentu abmierkavać ź jeŭrapiejskimi partniorami płan finansavańnia padtrymki Ukrainy.
Stratehija praduhledžvaje ŭviadzieńnie 500‑pracentnaha zboru na impart z Kitaja, atrymanyja hrošy buduć nakiravanyja na zakupku ŭzbrajeńnia dla ŭkrainskaj armii.
Jak paviedamiŭ sam Biesent žurnalistam: «Prezident Tramp daručyŭ ambasadaru i mnie skazać našym jeŭrapiejskim sajuźnikam, što my b padtrymali toje, što vy nazvali b «taryfam na rasijskuju naftu dla Kitaja» abo «taryfam ukrainskaj pieramohi» na Kitaj».
Meta hetaj inicyjatyvy — akazać maksimalny ekanamičny cisk na Uładzimira Pucina, čyja vajennaja mašyna, pavodle zachodnich acenak, mocna zaležyć ad kitajskaj padtrymki.
«My adkažam, kali našy jeŭrapiejskija partniory dałučacca da nas», — dadaŭ Skot Biesent, padkreśliŭšy nieabchodnaść udziełu Jeŭropy.
Raniej jeŭrapiejskija ŭrady błakiravali ideju ŭviadzieńnia sankcyj suprać Kitaja za zakupki rasijskaj nafty.
Pytańnie finansaŭ znoŭ stała aktualnym paśla taho, jak ministr abarony Ukrainy Dzianis Šmyhal zajaviŭ sajuźnikam, što dla praciahu supracivu ŭ 2026 hodzie Ukrainie spatrebicca $120 miljardaŭ.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES12
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
Zaharadžalnyja myty suprać kitajskich tavaraŭ treba ŭvieści pad ściaham dapamohi Ukrainy, a potym pakinuć ich nazaŭždy
Ale pačakajem, ci nie zastaniecca heta zvyčajnaj bałbatnioj