Kampanija błohiera Ułada Bumahi vypłacić kampiensacyju pastaŭščyku dadatkaŭ dla čypsaŭ
Kampanija biełaruskaha błohiera Ułada Bumahi (Uład A4) «Bumažnaja bumaha», jakaja zajmajecca vytvorčaściu čypsaŭ, pavinna vypłacić pavodle miravoha pahadnieńnia krychu bolš za 42 tysiačy jeŭra vytvorcu charčovych inhredyjentaŭ «Simrajz Rohava». Pra heta piša RIA Naviny sa spasyłkaj na sudovyja dakumienty.
Arbitražny sud Maskvy zaćvierdziŭ miravoje pahadnieńnie ŭ spravie pa isku TAA «Simrajz Rohava» da TAA «Bumažnaja bumaha» ab spahnańni kala 47 tys. jeŭra strat.
Pa słovach advakata Natalli Pyńnikavaj, jakaja pradstaŭlaje pazoŭščyka, vyrablenyja «Simrajzam» pa zamovie kampanii błohiera charčovyja dabaŭki dla čypsaŭ na takuju sumu adkazčyk admoviŭsia zabrać i apłacić. Jana taksama ŭdakładniła, što ŭ miravym pahadnieńni pazoŭščyk pahadziŭsia dać adkazčyku źnižku 10 %. U vyniku doŭh «Bumažnaja bumaha» budzie pahašacca čatyrma roŭnymi płaciažami ź listapada 2025‑ha pa maj 2026 hoda.
U TAA «Bumažnaja bumaha» 45 % naležyć błohieru praz kiprskuju A4Group Limited, astatnija doli paroŭnu padzieleny pamiž Vitaliusam Paŭlusam i Alaksiejem Kłačkovym — pa 27,5 %. Kampanija vyrablaje bulbianyja čypsy pad brendam Lava-Lava.
Raniej stała viadoma, što rasijski biznes biełaruskaha błohiera Ułada Bumahi pa vytvorčaści śniekaŭ zakončyŭ minuły hod ź vializnymi stratami. Pryčynaj nazyvali niepradumanyja vydatki na prasoŭvańnie. «Bumažnaja bumaha» źbirajecca źviarnucca ŭ sud z metaj pryznańnia siabie bankrutam.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary