Heta 18 łaŭreataŭ uzrostam ad 60 hadoŭ.
Abranyja łaŭreaty premii «Hołas pakaleńnia svabody» — 2025, paviedamlaje Biełaruskaja asacyjacyja žurnalistaŭ (BAŽ).
Premija zasnavanaja ŭ 2025 hodzie Biełaruskim PENam u partniorstvie z Pravaabarončym centram «Viasna», Biełaruskaj asacyjacyjaj žurnalistaŭ, Pres-kłubam Biełaruś i Fondam «Svabodnaja presa dla Uschodniaj Jeŭropy». Jaje meta — ušanavańnie vybitnych asobaŭ biełaruskaj pravaabarončaj, litaratarskaj i žurnalisckaj supolnaści va ŭzroście 60+, jakija paśla 2020 hoda vymušanyja byli źjechać ź Biełarusi z‑za pieraśledu i praciahvajuć svaju pracu pa-za miežami krainy ŭ Polščy, Čechii abo Litvie.
Premija ŭklučaje finansavuju ŭznaharodu (niekalki tysiač jeŭra) i publikacyju materyjałaŭ pra łaŭreataŭ u zborniku, jaki budzie prezientavany ŭ listapadzie. Kandydataŭ možna było prapanoŭvać praz ankietu, jakuju raspaŭsiudžvali suzasnavalniki
Pry hałasavańni žury ŭličvała mahčymyja kanflikty intaresaŭ, u vypadku jakich siabra žury nie mieŭ / nie mieła prava hałasavać za asobu, jakoj heta datyčycca.
Łaŭreaty premii
- Zoja Biełachvościk
- Hienadź Vieracinski
- Uładzimir Vialičkin
- Alaksandr Harcujeŭ
- Aleh Hruździłovič
- Natalla Dulina
- Maksim Žbankoŭ
- Andrej Zavadski
- Alaksandr Kapucki
- Valeryj Karbalevič
- Alaksandr Kłaskoŭski
- Zosia Kustava
- Luboŭ Łuniova
- Viktar Marčuk
- Tamara Mackievič
- Uładzimir Mackievič
- Iryna Suchij
- Siarhiej Sys
15 listapada ŭ Jeŭrapiejskim centry salidarnaści (Hdańsk, Polšča, plac Solidarności, 1) a 17‑j adbudziecca publičnaja dyskusija z udziełam łaŭreataŭ i łaŭreatak i prezientacyja zbornika «Hołas pakaleńnia svabody».
Udzielniki padziei padzielacca asabistymi historyjami, dośviedam emihracyi i praciahu svajoj tvorčaj, žurnalisckaj i pravaabarončaj dziejnaści ŭ vyhnańni. Budzie mahčymaść pačuć žyvy hołas pakaleńnia, jakoje nie straciła vieru ŭ kaštoŭnaści svabody i hodnaści.
A 19‑j tam ža projdzie ŭračystaja cyrymonija ŭručeńnia litaraturnaj premii imia Ježy Hiedrojcia 2025 a 19:00
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5
Kamientary