U Mintransie raskazali, kali na darohach Biełarusi pierastanuć rabić jamačny ramont
Namieśnik načalnika hałoŭnaha ŭpraŭleńnia aŭtamabilnych daroh Ministerstva transpartu i kamunikacyj Biełarusi Siarhiej Lavončyk paviedamiŭ, što ŭ Biełarusi płanujuć całkam admovicca ad praktyki jamačnaha ramontu na darohach.
Pavodle jaho słoŭ, finansavańnie, zapłanavanaje na dziaržaŭnuju prahramu «Darohi Biełarusi» na 2026—2030 hady, dazvolić istotna naraścić abjomy rabot. Płanujecca, što za piacihodku adramantujuć i adnoviać amal 25 tysiač kiłamietraŭ daroh — heta na 7 tysiač kiłamietraŭ bolš, čym za biahučuju piacihodku, piša Biełta.
«Užo za bližejšyja niekalki hadoŭ my, napeŭna, naohuł adydziem ad takoha paniaćcia, jak jamačny ramont, tamu što pakryćcio daroh budzie adnaŭlacca i adpaviadać usim zapytam našych hramadzian», — zajaviŭ pradstaŭnik mintransa.
Mintrans płanuje nadać asablivuju ŭvahu najbolš zahružanym daroham, jakija viaduć u stalicu, kapitalnamu ramontu vyjezdaŭ ź Minska i trasam, jakija viaduć u harady-spadarožniki.
Na darohach miascovaha značeńnia abiacajuć zasiarodzicca na napramkach ad rajcentraŭ da ahraharadkoŭ, abiacajuć na 156 km zrabić udaskanalenaje pakryćcio.
Kamientary