ZŠA ŭpieršyniu nanieśli ŭdar pa sudnach narkahandlaroŭ u Cichim akijanie
Vajskoŭcy ZŠA nanieśli ŭdary pa dźviuch łodkach narkahandlaroŭ va ŭschodniaj častcy Cichaha akijana na hetym tydni, zajaviŭ ministr abarony Pit Chehsiet.
Dva ŭdary pa sudach u Cichim akijanie — vośmy i dziaviaty viadomyja ŭdary vajskoŭcaŭ ZŠA pa nibyta sudnach, što zajmalisia kantrabandaj narkotykaŭ, z pačatku vieraśnia — vidać, aznačajuć pašyreńnie vajskovaj kampanii ZŠA, bo ŭsie siem papiarednich udaraŭ byli naniesieny pa łodkach u Karybskim mory, paviedamlaje CNN.
Pavodle słoŭ čynoŭnikaŭ, usiaho ŭ dzieviaci ŭdarach zahinuli prynamsi 37 čałaviek.
«Narkaterarysty, jakija majuć namier prynieści jad na našy bierahi, nie znojduć biaśpiečnaj havani ni ŭ adnoj častcy našaha paŭšarja», — skazaŭ Chiehsiet u sieradu ŭ X, adznačyŭšy, što ŭdar u Cichim akijanie ŭ aŭtorak zabiŭ abodvuch ludziej na borcie.
Chehsiet paviedamiŭ, što łodka, pa jakoj byŭ naniesieny hety ŭdar, «kiravałasia pryznanaj terarystyčnaj arhanizacyjaj i zajmałasia narkatrafikam va ŭschodnim Cichim akijanie» i «pavodle našaj raźviedki była viadomaja jak udzielnica ŭ niezakonnym handli narkotykami, ruchałasia pa viadomym maršrucie narkatrafiku i pieravoziła narkotyki».
Paźniej u sieradu Chiehsiet paviedamiŭ, što ZŠA praviali śmiarotny ŭdar pa druhoj padazronaj narkałaŭcy va ŭschodnim Cichim akijanie, zabiŭšy ŭsich troch ludziej na borcie.
«Siońnia, pa rasparadžeńni prezidenta Trampa, Ministerstva vajny praviało jašče adzin śmiarotny ŭdar pa sudnie, jakim kiravała pryznanaja terarystyčnaja arhanizacyja (DTO)», — napisaŭ Chiehsiet u paviedamleńni.
Ministr dadaŭ, što nivodzin amierykanski vajskoviec nie paciarpieŭ padčas dvuch udaraŭ u Cichim akijanie, i paraŭnaŭ narkatrafikantaŭ z «Al-Kaidaj».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary