Šatdaŭn u ZŠA: pakul urad paralizavany, Pientahonu achviaravali 130 miljonaŭ dołaraŭ na zarpłaty vajskoŭcam
U ZŠA nieviadomy čałaviek achviaravaŭ Pientahonu 130 miljonaŭ dołaraŭ dla vypłaty zarobkaŭ i sacyjalnych lhot vajskoŭcam padčas šatdaŭnu — pieryjadu, kali ŭrad nie pracuje i nie moža vypłačvać srodki ź fiederalnaha biudžetu.
Pra heta paviedamlaje RBK-Ukraina sa spasyłkaj na NBC News.
Jak adznačyŭ hałoŭny pradstaŭnik Pientahonu Šon Parnieł, viedamstva pryniało achviaravańnie ŭ miežach svaich paŭnamoctvaŭ na pryniaćcie padarunkaŭ. Jon taksama ŭdakładniŭ umovu, na jakuju pavinny być vykarystanyja hetyja srodki:
«Achviaravańnie zroblena z umovaj, što jaho vykarystajuć dla kampiensacyi vydatkaŭ na zarpłaty i lhoty vajskoŭcam», — skazaŭ jon.
Prezident ZŠA Donald Tramp paćvierdziŭ, što nieviadomy achviaravaŭ 130 miljonaŭ dołaraŭ Pientahonu. Pavodle jaho słoŭ, heta zrabiŭ «patryjot» i «moj siabar» — imia dabradzieja Tramp raskryvać admoviŭsia. Prezident taksama dadaŭ, što nieviadomy dabračyniec nibyta zajaviŭ pra hatoŭnaść pakryvać luby deficyt finansavańnia fiederalnych ustanoŭ, jaki ŭźnik praz šatdaŭn.
Uradavy šatdaŭn u ZŠA
Z 1 kastryčnika 2025 hoda ŭ ZŠA praciahvajecca prypynieńnie pracy ŭrada (tak zvany šatdaŭn), bo Kanhres nie zaćvierdziŭ fiederalny biudžet. Heta pieršy šatdaŭn za apošnija siem hadoŭ i treci za dva terminy prezidenctva Trampa.
Biahučy šatdaŭn užo staŭ druhim pa praciahłaści za ŭsiu historyju krainy. Rekordnym ličycca prypynieńnie pracy ŭrada, jakoje doŭžyłasia 35 dzion u 2018—2019 hadach, taksama padčas pieršaha terminu Donalda Trampa.
Fiederalnyja ahienctvy ŭžo sutyknulisia z surjoznymi prablemami. U pryvatnaści, Nacyjanalnaje ŭpraŭleńnie jadziernaj biaśpieki ZŠA (NNSA) adpraviła ŭ nieapłatnyja adpačynki 1400 supracoŭnikaŭ.
Pavodle acenak, ahulnyja straty ad šatdaŭnu ŭ ZŠA składajuć da 15 miljardaŭ dołaraŭ štodnia.
Litva znoŭ zakryvaje miažu ź Biełaruśsiu — na niavyznačany termin9
Litva znoŭ zakryvaje miažu ź Biełaruśsiu — na niavyznačany termin
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary