Na spatkańnie ŭ muziei Pietrusia Broŭki takaja čarha, što zapisacca možna tolki na sakavik 2027 hoda
Kali vy chočacie schadzić na spatkańnie ŭ muziej Pietrusia Broŭki, dyk šukajcie čałavieka, ź jakim atrymajecca prabyć u adnosinach jak minimum da viasny 2027 hoda. Bo raniej da vas čarha nie dojdzie!
Litaraturny muziej Pietrusia Broŭki znachodzicca ŭ domie Śviancyckaha na vulicy Karła Marksa, 30. Jaho pabudavali bolš za stahodździe tamu. U roznyja časy ŭ hetaj čatyrochpaviarchoŭcy žyli viadomyja palityčnyja dziejačy BSSR Mikałaj Haładzied, Pancielajmon Panamarenka, Alaksandr Čarviakoŭ, piśmieńnik Ciška Hartny. Narodny paet Piatruś Broŭka pasialiŭsia tut u 1951‑m i pražyŭ 29 hadoŭ. Paśla jahonaj śmierci ŭ kvatery tvorcy adčynili muziej. Heta, darečy, adziny muziej-kvatera ŭ Minsku.
Pravieści spatkańnie tut upieršyniu vyrašyli jašče ŭ 2017 hodzie. Tady heta była ŭsiaho tolki akcyja da Dnia ŭsich zakachanych. Na ramantyčnuju sustreču zaprasili paru, jakaja pieramahła ŭ śviatočnym konkursie. Ale ž niečakana vyśvietliłasia, što popyt na takuju pasłuhu šalony, tamu praź niekatory čas jaje zrabili pastajannaj.
Jak usio adbyvajecca? Muziej pracuje z aŭtorka da niadzieli da 19.00. Dva razy na tydzień paśla taho, jak dźviery začyniajucca dla zvyčajnych naviedvalnikaŭ, ich adkryvajuć dla zakachanych.
Dla pary ładziać ekskursiju pa muziei, raspaviadajuć šmat cikavaha. A paśla možna sieści za stolik la akna z šykoŭnym vidam, papić harbatu (niejki desiert dazvalajuć prynieści z saboj, a voś ałkahol pad zabaronaj) i parazmaŭlać.
Kaštuje pasłuha 80 rubloŭ. U sacyjalnych sietkach Litaraturnaha muzieja Pietrusia Broŭki paznačana, što samy rani termin, kali možna trapić na spatkańnie — sakavik 2027 hoda.
Darečy, nie kožnaje kachańnie vytrymlivaje takoje vyprabavańnie časam. Raspaviadajuć, što adna žančyna paśpieła razyścisia z mužam, pakul čakała pryznačanaj daty spatkańnia ŭ muziei. Ale ž dla jaje heta nie stała nahodaj admianiać zapis — u vyniku pajšła pić harbatu ź siabroŭkaj.
Vystava da 120‑hodździa z dnia naradžeńnia Michasia Sieŭruka prachodzić u Minsku
Francyju nakryła cełaja epidemija rabavańniaŭ muziejaŭ
U Litvu z Vatykana pryvieźli ŭnikalnyja kodeksy z Pahoniaj i histaryčnymi minijaciurami, stvoranyja biełaruskimi hrafiniami dla Papy
Ułady chočuć zrabić Navahrudak horadam-muziejem
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary
Spytajecie siabie, kim by jon byŭ siońnia?
Vam nie soramna!!!
Hieroj Sacyjalistyčnaj Pracy (1972). Uznaharodžany tryma ordenami Lenina, ordenami Kastryčnickaj Revalucyi, Čyrvonaj Zorki, Družby narodaŭ, «Znak Pašany» i mnohimi medalami. Narodny paet BSSR (1962). Zasłužany dziajač navuki BSSR (1975). Hanarovy hramadzianin Miensku (1980). Siabra SP SSSR z 1934. Laŭreat Stalinskaj premii 2-j stupieni za paemu «Chleb», vieršy «Dumy pra Maskvu», «Brat i siastra», «Narodnaje dziakuj», «Kab mnie stajać…», «Spatkańnie» (1947), Stalinskaj premii 3-j stupieni za zbornik vieršaŭ «Darohi žyćcia» (1950), Litaraturnaj premii imia Jakuba Kołasa za raman «Kali źlivajucca reki» (1959), Leninskaj premii za knihu vieršaŭ «A dni iduć…» (1962), Dziaržaŭnaj premii BSSR imia Janki Kupały za paemu «Zaŭsiody ź Leninym» i za knihu vieršaŭ «Miž čyrvonych rabin» (1969), Dziaržaŭnaj premii BSSR (1976) za ŭdzieł u stvareńni Biełaruskaj Savieckaj Encyklapedyi.