Čynoŭnica, jakaja zapomniłasia razvahami pra «chaacičaski słožanyja ceny», znajšła prymianieńnie svajmu dośviedu. Katkaviec raskazała taksama pra svaich synoŭ i ŭnukaŭ.
Ciapier Nadzieja Katkaviec na piensii, ale zajmajecca navukovaj dziejnaściu. U Instytucie sistemnych daśledavańniaŭ APK Akademii navuk jana aśpirantka, źbirajecca abaraniać kandydackuju dysiertacyju pa źniešnieekanamičnaj dziejnaści.
«Vielmi navat niakiepska atrymałasia», — pachvaliłasia Katkaviec dysiertacyjaj u kulinarnaj pieradačy na STB, kudy byłaja čynoŭnica pryjšła ŭ šubie hatavać bliny z mačankaj.
U jaje čaćviora synoŭ.
«Andrej inžynier-ziemleŭparadčyk, Alaksiej ekanamist pa drobnym pryvatnym biznesie. Vital i Siarhiej — inžyniery-miechaniki», — koratka raskazała byłaja čynoŭnica.
Dadała, što ŭ małodšaha syna piać hiektaraŭ ziamli, jon vyroščvaje ŭ tym liku durnicy.
«Vielmi žorstka vychoŭvała synoŭ», — adznačyła Katkaviec.
U jaje taksama 9 unukaŭ (6 chłopčykaŭ i 3 dziaŭčynki). Starejšy ź ich Dźmitryj skončyŭ BDATU na ekanamista-łahista, ale ciapier jaho čakajuć z armii. Palina vučycca na 3 kursie va ŭniviersitecie Hrodna na łandšaftnaha dyzajniera. Maryja — u BDATU, na 2 kursie, abrała śpiecyjalnaść inžyniera pa achovie pracy i technicy biaśpieki. Astatnija ŭnuki Katkaviec školniki ci jašče mienšyja.
U byłoj čynoŭnicy jość dom u Atolinie pad Minskam. Katkaviec adznačyła, što ŭ jaje tam staić ruskaja piečka. Pałovu doma zajmaje sama Katkaviec, a pałovu — starejšy syn ź siamjoj.
Nadzieja Katkaviec pačynała svaju pracoŭnuju dziejnaść u Škłoŭskim rajonie, u saŭhasie «Haradziec», dzie pracavaŭ i Łukašenka. Paźniej była čynoŭnicaj, darasła ŭ 2013‑m da namieśnicy kiraŭnika spraŭ Łukašenki (na hetaj pasadzie była da 2017-ha). Paśla Katkaviec stała staršynioj naziralnaj rady Parytetbanka, a z kanca 2017-ha pracavała ŭ Biełaruskaj nacyjanalnaj bijatechnałahičnaj karparacyi. Apošnija hady (2022-2023) pracavała ŭ rehijanalnych filijałach BNBK, pisała «Lusterka».
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary