Łaŭroŭ nazvaŭ admienu sankcyj suprać «Biełavija» «krucielskaj historyjaj»
Ministr zamiežnych spraŭ Rasii Siarhiej Łaŭroŭ padčas vystupleńnia paśla III Minskaj kanfierencyi pa jeŭrazijskaj biaśpiecy adznačyŭ, što choć ZŠA i asłabili sankcyi suprać biełaruskaj avijakampanii «Biełavija», heta, pa jaho słovach, «krucielskaja historyja». Jon padkreśliŭ, što mnohija abmiežavańni ŭsio jašče dziejničajuć.
Łaŭroŭ skazaŭ, što Rasija zaŭsiody vitaje, kali «niezakonnyja miery» admianiajucca i heta spryjaje naturalnamu ŭzajemavyhadnamu supracoŭnictvu. Adnak, pavodle jaho, źniaćcie sankcyj u dačynieńni da «Biełavija» nasamreč vielmi abmiežavanaje: zastajucca zabarony, źviazanyja z palotami na vialikija adlehłaści i pastaŭkami zapčastak, jakija ŭsio jašče zaležać ad rašeńniaŭ amierykanskaha boku. Tamu heta «krucielskaja historyja».
Rasijski ministr taksama adznačyŭ, što hetyja dziejańni ZŠA majuć chutčej simvaličny, «vonkavy» efiekt. Pavodle jaho, choć krok zrobleny ŭ pravilnym kirunku, jon nie zdymaje zaležnaści «Biełavija» ad ZŠA, u tym liku ŭ płanie techničnaha zabieśpiačeńnia i ŭpłyvu na palityku kampanii i Biełarusi ŭ cełym.
Siarhiej Łaŭroŭ vykazaŭ nadzieju, što amierykancy viernucca da «sumlennaha viadzieńnia spraŭ». Jon nahadaŭ, što Rasija jašče ŭ pačatku hoda prapanoŭvała adnavić pramyja avijarejsy pamiž dźviuma krainami, ale pakul z boku ZŠA cikavaści da hetaha nie vidać.
11 vieraśnia pradstaŭnik Biełaha doma Džon Koŭł padčas vizitu ŭ Minsk paviedamiŭ pra častkovaje źmiakčeńnie sankcyj suprać «Biełavija». Heta adbyłosia paśla taho, jak biełaruskija ŭłady vyzvalili bolš 52 palitviaźniaŭ, vydvaryŭšy ich z krainy. Pry hetym ZŠA dazvolili zakupku zapčastak nie dla ŭsich samalotaŭ Boeing kampanii, a paloty ŭ Rasiju i niekatoryja inšyja krainy zastalisia pad zabaronaj.
U ZŠA zakłapočanyja, kab paśla źniaćcia sankcyj z «Biełavija» detali dla «Boinhaŭ» nie traplali ŭ Rasiju
Minfin ZŠA patłumačyŭ, jak z «Biełavija» zdymuć sankcyi
«Absurdna na fonie admieny sankcyj z boku ZŠA». MZS Biełarusi aburyŭsia, što Polšča i Łatvija zakryli nieba na miažy
Ci zmohuć samaloty «Biełavija» paśla źniaćcia sankcyj ZŠA znoŭ lotać u Jeŭropu?
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary
P.S. Łavrov jeŝio nie učioł, čto Łukašienko podarili zaponki iz mahazina mierčiej. )))