Ni Kamienny Łoh, ni Bieniakoni nie adkryjucca.
Urad Litvy ŭ sieradu pryniaŭ rašeńnie na miesiac začynić pamiežnyja pierachody «Miedniki» (Kamienny Łoh) i «Salečniki» (Bieniakoni). Praŭda, Miednicki kantrolny punkt častkova budzie dziejničać z peŭnymi vyklučeńniami, paviedamlaje LRT.
Abmiežavańni buduć dziejničać ź siońniašniaha dnia da 30 listapada, z mahčymaściu ich padaŭžeńnia.
Salečnikaŭski punkt budzie całkam začynieny. U svaju čarhu, Miednicki kantrolny punkt budzie začynieny z peŭnymi vyklučeńniami.
«Praź jaho budzie dazvolena pieramiaščeńnie dypłamatam, tranzit u Kalininhrad, hramadzianam, jakija viartajucca ŭ Litvu, hramadzianam Jeŭrapiejskaha sajuza, krain NATA i ich siemjam. Asobam, jakija majuć dazvoł na žycharstva ŭ Litvie. Zastajecca i mahčymaść humanitarnych prachodaŭ, pa jakich budzie prymać rašeńni Słužba achovy dziaržaŭnaj miažy», — skazaŭ padčas pasiadžeńnia ŭrada ministr unutranych spraŭ Litvy Uładzisłaŭ Kandratovič.
Pamiežnyja punkty začynienyja z-za kantrabandnych pavietranych šaroŭ, što iduć u Litvu ź Biełarusi, z-za jakich davodzicca abmiažoŭvać pracu aeraportaŭ. Ličycca, što heta moža być srodkam cisku na susiedniuju dziaržavu. Na minułym tydni fiksavalisia čatyry vypadki, što pryvodziła da zakryćcia na niejki čas Vilenskaha aeraporta i adnojčy aeraporta ŭ Koŭnie.
«My ličym, što hetyja źmieny pavinny dasłać paviedamleńnie našamu nie nadta siabroŭskamu susiedu, jaki nie prykładaje nijakich namahańniaŭ dla vyrašeńnia prablemy», — adznačyŭ ministr unutranych spraŭ Litvy.
Miažu ź Biełaruśsiu Litva zakryła ŭ niadzielu viečaram.
Kamientary