Amierykanski akcior Džesi Ajzienbierh achviaruje svaju nyrku nieznajomcu
Pra heta halivudski akcior, viadomy pa filmach «Iluzija padmanu», «Sacyjalnaja sietka» i «Śvieckaje žyćcio», raspavioŭ u intervju telekanału NBC.
— Kaliści ja pačaŭ zdavać kroŭ i, vidać, «padsieŭ» na heta. U siaredzinie śniežnia ja zrablu altruistyčnaje achviaravańnie. Ja vielmi rady hetamu, — skazaŭ Ajzienbierh.
Jon rastłumačyŭ, što kali kamuści ŭ ZŠA patrebna nyrka, ale jaho svajak nie padychodzić pa miedycynskich pakazčykach, to donar, taki jak jon, moža addać orhan hetamu čałavieku.
U adkaz svajak pieradaść svaju nyrku inšamu pacyjentu praź śpiecyjalnuju sistemu abmienu. Tak zapuskajecca łancuh pierasadak, jaki pracuje tolki dziakujučy ludziam, hatovym achviaravać svaje orhany, udakładniŭ Ajzienbierh.
Z-za niedachopu donarskich orhanaŭ u ZŠA siaredni čas čakańnia nyračnaj transpłantacyi składaje 3—5 hadoŭ.
U minułym hodzie Džesi Ajzienbierh napisaŭ scenar, źniaŭ i spradziusavaŭ vielmi dušeŭny film «Sapraŭdny bol», dzie źniaŭsia ŭ hałoŭnaj roli. U filmie jon i sa stryječnym bratam (Kiran Kałkin) pryjazdžajuć z ZŠA ŭ Polšču, kab naviedać pamiatnyja miaściny, źviazanyja z Chałakostam. Film atrymaŭ niekalki premij, a Kiran Kałkin atrymaŭ «Oskar» za najlepšuju rolu druhoha płana.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary
Ajzienbierhu nikohda nie vyriežut počku, prosto budiet čiślitsia v kakich.to śpiskach kak potiencialnyj donor