Daradca prezidenta Litvy nie bačyć sensu ŭ pieramovach ź Biełaruśsiu na ŭzroŭni MZS
Praź pieravozčykaŭ, jakija zachraśli na miažy, u aŭtorak majuć adbycca techničnyja kantakty ź biełaruskim bokam, kaža hałoŭny daradca prezidenta Naŭsiedy Dejvidas Matulonis.
«Heta ŭ asnoŭnym prablema, stvoranaja režymam Łukašenki. Fury ŭziatyja ŭ zakładniki, i ciapier prapanujecca vieści pieramovy, tamu mnie hetaje paniaćcie — pieramovy — taksama nie padabajecca. Zaŭtra, chutčej za ŭsio, buduć techničnyja kantakty ź biełaruskim bokam. My majem svajo bačańnie, pradstavim svajo bačańnie i pahladzim, jak jany adreahujuć, i kali ŭsio sapraŭdy budzie vyhladać dastatkova dobrazyčliva, ja jašče raz paŭtaru: nichto śpiecyjalna nie zacikaŭleny praciahvać hetaje zakryćcio punktaŭ pierasiačeńnia miažy», — LRT radio zajaviŭ D. Matulonis.
Jak paviedamlałasia, kali Litva havoryć pra techničny ŭzrovień pieramovaŭ, Minsk imkniecca pieravieści ich na bolš vysoki ŭzrovień — Alaksandr Łukašenka choča, kab viali pieramovy ministry zamiežnych spraŭ.
U svaju čarhu D. Matulonis śćviardžaje, što padstaŭ pravodzić pieramovy na ŭzrovień Ministerstva zamiežnych spraŭ nie bačyć, bo pierš za ŭsio treba dačakacca vynikaŭ techničnaj sustrečy. «Čamu my pavinny pierachodzić na ŭzrovień zamiežnych spraŭ? My majem kankretnuju prablemu, jaje treba vyrašyć — i ŭsio stanie na svaje miescy. Ciapier sprabujuć abrastać usialakimi novymi prablemami, nibyta my ŭ niečym vinavatyja, pakazvajučy, što tut nieviadoma ź jakoj pryčyny Litva zakryła punkty pierasiačeńnia miažy — druhi bok cudoŭna viedaje, čamu jany byli zakrytyja. Usio možna było vyrašyć na praciahu niekalkich dzion, ale hetaha zroblena nie było», — skazaŭ daradca prezidenta.
«Na tym baku, na Uschodzie, časta byvaje tak, što stvarajecca prablema, a potym prapanujecca jaje vyrašać. Heta krychu nahadvaje peŭnuju dziejnaść, z vykarystańniem peŭnych ryčahoŭ, z metaj damahacca pieramovaŭ, ale na siońnia ja nie baču patreby iści ŭ niejkija dalejšyja pieramovy. Tak, jany buduć zaŭtra, pahladzim, jak usio budzie vyhladać, i tady naš urad prymie najbolš razumnaje rašeńnie», — skazaŭ jon.
U kancy kastryčnika Litva zakryła miažu ź Biełaruśsiu da kanca listapada, u Biełarusi zachraśli bolš za tysiaču litoŭskich fur.
Premjer Litvy pra fury ŭ Biełarusi: Biznes pavinien byŭ da hetaha padrychtavacca
Litoŭskija pieravozčyki narakajuć na hihanckija vypłaty, jakija ź ich ździerli ŭ Biełarusi
Uładzisłaŭ Kandratovič: «Łukašenka ź litoŭskimi furami abyšoŭsia jak rekiecir»
U Vilni pieravozčyki zładzili cichuju akcyju ŭ suviazi z błakavańniem litoŭskich fur u Biełarusi
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie6
Kamientary
Litva užie kuda-to pieriemiestiłaś s sieviera Biełarusi?