Siaredni košt kvadratnaha mietra ŭ Minsku pieravysiŭ 1800 dalaraŭ
Pa vynikach kastryčnika siaredni košt kvadratnaha mietra ŭ Minsku skłaŭ 1843 dalary. Heta plus 50 dalaraŭ za miesiac. Psichałahičnaja miaža ŭ $1800 projdziena, adznačaje partał Wikidom.
Što datyčycca siehmientaŭ, tut situacyja nastupnaja. Na čystym druhasnym kvadratny mietr kaštavaŭ 1823 dalary, što na 47 dalaraŭ bolš, čym miesiacam raniej.
U hatovych novabudoŭlach siaredni košt kvadratnaha mietra dasiahnuŭ $2025, abo plus 109 dalaraŭ.
Kali kazać pra dolu darahich kvater z ceńnikam vyšej za 100 tys., ich kolkaść rezka vyrasła i skłała 33% ad ahulnaj kolkaści ŭsich prodažaŭ. Za kastryčnik pradadziena 475 takich kvater. Jak adznačajuć analityki, dola darahich kvater znachodzicca na rekordna vysokich uzroŭniach — pa sutnaści, siońnia heta ŭžo kožnaja treciaja kvatera ŭ stalicy.
Pa vynikach kastryčnika ŭ Minsku skłalisia nastupnyja siarednija ceny za mietr na roznyja kvatery:
- 1‑pakajovyja — $1993 (+ $43);
- 2‑pakajovyja — $1772 (+ $68);
- 3‑pakajovyja — $1623 (+ $37);
- 4‑pakajovyja — $1516 (+ $59).
Daraželi ŭsie vidy kvater, i pry hetym davoli raŭnamierna, što, na dumku analitykaŭ, havoryć pra pierachod rynku da novych cenavych realij.
U toj ža čas u struktury ździełak trochi padrasła dola 1‑pakajovych za košt źnižeńnia kolkaści 2– i 3-pakajovych. Taksama za kastryčnik zafiksavali čatyry ździełki z 5‑pakajovymi kvaterami.
Darečy, samy darahi mietr u kastryčniku akazaŭsia ŭ ŽK «Majak Minska» — 4100 dalaraŭ. Za stolki ŭ domie 2019 hoda pabudovy pradali 2‑pakajovuju kvateru mietražom kala 37 kvadratnych mietraŭ. A voś samaj vialikaj pa płoščy stała 5‑pakajovaja kvatera na vuł. Bahdanoviča — kala 185 mietraŭ. Jana znachodzicca ŭ domie 2006 hoda pabudovy, mietr u joj kaštavaŭ kala 1500 dalaraŭ.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary