Tramp upeŭnieny, što Ukraina chutka stracić Danbas. Ale inšym tryvožycca niama čaho
Prezident ZŠA Donald Tramp 21 listapada daŭ intervju radyjostancyi Fox News, dzie zrabiŭ niekalki zajavaŭ, datyčnych mirnaj prapanovy ZŠA z 28 punktaŭ, pra poŭny źmiest jakoj stała viadoma ŭčora.
Prezident ZŠA zajaviŭ, što Ukraina, na jaho dumku, chutka stracić terytoryju Danbasa. «Jany straciać jaje ŭ najbližejšy čas, tak», — skazaŭ jon, padtrymaŭšy tezis viadoŭcy ab niepaźbiežnaści terytaryjalnych sastupak z boku Ukrainy.
U toj ža čas jon ličyć, što, naprykład, krainam Bałtyi nie varta turbavacca, bo rasijanie, na jaho dumku, «nie šukajuć novych vojnaŭ», a «ŭkrainski kanflikt budzie vyrašany».
Kamientujučy 28 punktaŭ płanu, pra jakija raniej pisali ŚMI, Tramp adznačyŭ, što ZŠA «cikavić tolki adno — kab zabojstvy spynilisia».
Na dumku Trampa, nastupny čaćvier, 27 listapada, — heta prydatny termin dla Kijeva, kab pryniać padtrymanuju ZŠA mirnuju prapanovu.
«U mianie było šmat terminaŭ, ale kali ŭsio idzie dobra, terminy zvyčajna padaŭžajucca. Ale čaćvier — heta toje, što my ličym prydatnym časam», — skazaŭ Tramp.
Jon padkreśliŭ taksama, što pakul nie maje namieru admianiać sankcyi suprać rasijskaj nafty. Bolš taho — prezident ZŠA paviedamiŭ pra płany ŭvieści ŭ najbližejšy čas novyja, «vielmi mahutnyja» abmiežavańni suprać Maskvy.
Upraŭleńnie pa kantroli za zamiežnymi aktyvami Minfinu ZŠA 23 kastryčnika zaniesła rasijskija kampanii «Łukojł» i «Rasnafta» ŭ sankcyjny śpis i vydała licenziju na zhortvańnie dziejnaści terminam da 21 listapada.
Pucin atrymaŭ płan Trampa, ale nastrojeny praciahvać vajavać
Stała viadoma, jakija harantyi źbirajucca dać ZŠA Ukrainie ŭ vypadku pryniaćcia mirnaha płanu
U mirnym płanie ZŠA zaŭvažyli padazronyja rusizmy ŭ tekście
Lidary ES i Zialenski nazvali adpraŭny punkt dla pieramoŭ ab miry
Zialenski i Tramp abmiarkujuć mirny płan na nastupnym tydni
U Jeŭropie płan Trampa pa Ukrainie ličać drennym
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna14
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii2020
Kamientary
Voś ciapier kidaje kość u efir, nu ci łajno na vientylatar.
Mo, praz tydzień fondavy rynak pačnie raści, i ŭsie zabuduć, što jon znoŭ nabałbataŭ, miratvorac.