Z 24 listapada ŭ Biełarusbanku pačynajuć dziejničać novyja praviły źniaćcia najaŭnych. Hetyja miery pryzvanyja abaranić hrošy klijentaŭ, kali machlary daviedajucca danyja ich kart i pasprabujuć pryviazać ich da płaciežnych dadatkaŭ na svaich telefonach.
Hałoŭnaje źmianieńnie datyčyć bieskantaktnaha źniaćcia hrošaj u bankamataŭ. Ciapier buduć dziejničać nastupnyja sutačnyja limity:
- dla kart «Aksamit» — nie bolš za 600 rubloŭ,
- dla ŭsich inšych kart banka — nie bolš za 1000 rubloŭ.
Hetyja limity raspaŭsiudžvajucca na apieracyi, zroblenyja bieskantaktnym sposabam (naprykład, praz NFC z dapamohaj smartfona abo hadzińnika), z vykarystańniem ličbavych tokienaŭ (kali karta dadadziena ŭ Apple Pay, Google Pay i h.d.); u bankamataŭ lubych bankaŭ na terytoryi Biełarusi.
Za miažoj takija apieracyi ź bieskantaktnych pryład i praz mabilnyja dadatki buduć poŭnaściu zabaronienyja.
Kali treba źniać bolš ustalavanaj sumy, limity možna admianić: uładalniki kart «Aksamit»: tolki źviarnuŭšysia ŭ adździaleńnie banka ź piśmovaj zajavaj; uładalniki inšych kart: možna vybrać adzin z dvuch sposabaŭ — źviarnucca ŭ adździaleńnie banka abo patelefanavać u kantakt-centr pa numary 147.
Kali vy ŭžo adklučali papiarednija limity na svajoj karcie, to novyja abmiežavańni na vas raspaŭsiudžvacca nie buduć. Vašy nałady zastanucca raniejšymi.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii2626
Kamientary