Łatuška: Pra miescaznachodžańnie Anžaliki Mielnikavaj ničoha nie viadoma
Kiraŭnik Narodnaha antykryzisnaha ŭpraŭleńnia Pavał Łatuška zajaviŭ, što demakratyčnyja siły dahetul nie majuć nijakaj infarmacyi ab miescaznachodžańni Anžaliki Mielnikavaj, kolišniaj kiraŭnicy Kaardynacyjnaj rady, jakaja źnikła dzieviać miesiacaŭ tamu. Łatuška zrabiŭ hetuju zajavu na bryfinhu ŭ Varšavie 24 listapada, piša «Svaboda» sa spasyłkaju na infarmacyju «Pozirka».
Kiraŭnik NAU skazaŭ, što jon abmiežavany pieradavać publična infarmacyju, ale jon mieŭ sustreču nakont Mielnikavaj. Pavodle jaho słoŭ, miescaznachodžańnie Anžaliki Mielnikavaj na siońnia nie vyznačana, i niama nijakich paćvierdžanych źviestak, dzie jana moža znachodzicca.
Pa fakcie źniknieńnia Anžaliki Mielnikavaj raźbiralnictva viadzie Ahienctva ŭnutranaj biaśpieki Polščy pad nahladam Nacyjanalnaj prakuratury.
Łatuška taksama paviedamiŭ pra novuju sprobu viarboŭki śpiecsłužbami Minska jahonych paplečnikaŭ za apošnija tydni.
Anžalika Mielnikava, jakaja maje biełaruskaje i polskaje hramadzianstva, źnikła bieź viestak z 25 sakavika 2025 hoda.
Razhladajucca roznyja viersii hetaha: ad vykradańnia biełaruskimi śpiecsłužbam da taho, što jana sama mahła być ahientkaj.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
I voobŝie chorošo i łohičieski podumajtie,kak ona smohła lehko vojti v dovierije k Pał Pałyču,čto on jeje tak viezdie prodvihał)