13 čałaviek, u tym liku pažarny, zahinuli ŭ vyniku mocnaha pažaru, jaki achapiŭ niekalki šmatpaviarchovych budynkaŭ u žyłym kompleksie ŭ Hankonhu, paviedamlaje South China Morning Post.
Ahoń achapiŭ niekalki budynkaŭ žyłoha kompleksu «Van Fuk Kort» u rajonie Taj Po. Zaharelisia bambukavyja budaŭničyja ryštavańni i sietka, jakimi byli akružany budynki kompleksu na čas renavacyi.
Pieršapačatkova paviedamlałasia, što harać čatyry kvartały kompleksu, ale nieŭzabavie pažar raspaŭsiudziŭsia na ŭsie vosiem kvartałaŭ ŽK. Ułady prysvoili pažaru piaty, samy vysoki, uzrovień niebiaśpieki.
Što stała pryčynaj pažaru, pakul nieviadoma. Raniej miascovyja žychary skardzilisia na rabočych, jakija kuryli padčas pracy.
Pavodle danych vydańnia, palicyja atrymlivaje paviedamleńni pra toje, što ŭ achoplenych ahniom budynkach mohuć zastavacca ludzi. Pa acenkach arhanizacyi pa vyratavańni chatnich žyvioł, u damach, što zaharelisia, mohuć taksama znachodzicca bolš za 100 hadavancaŭ.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary