Zajaŭniki hiej‑prajdu ŭ Minsku źviarnulisia da Łukašenki

Biełaruskija i rasijskija aktyvisty arhkamiteta »Słavianskaha hiej‑prajdu», zapłanavanaha ŭ Minsku na 15 maja, źviarnulisia da Alaksandra Łukašenki z prośbaj asabista ŭmiašacca ŭ praces razhladu zajaŭki na praviadzieńnie akcyi, a taksama sadziejničać aficyjnamu pryznańniu ŭ Biełarusi Mižnarodnaha dnia supraćstajańnia hamafobii i transfobii.

Pra heta paviedamiŭ adzin z arhanizataraŭ hiej‑prajdu Siarhiej Androsienka.

Pavodle jaho słoŭ, nakiravańnie lista na adras prezidenta źviazana z tym, što zajaŭka na praviadzieńnie ŭ Minsku hiej‑prajdu znachodzicca na razhladzie harvykankama ŭžo bolš za dva miesiacy.

Jak adznačyŭ Androsienka, «Słavianski hiej‑prajd 2010»

maje na mecie infarmavańnie hramadstva ab niaroŭnym stanoviščy hiejaŭ, leśbijanak, bisieksuałaŭ i transhiendernych ludziej na terytoryi Biełarusi i Rasii i pryciahnieńnie ŭvahi hramadskaści, palitykaŭ i ŚMI da prablemy homasieksualnaści.

«Nie sakret, što pravaabarončyja akcyi ŭ padtrymku sieksualnych mienšaściej, jakija źjaŭlajucca raŭnapraŭnymi hramadzianami krainy, nieadnarazova zabaranialisia ŭ Maskvie. 5 maja ŭ Vilni byŭ zabaronieny »Bałtyjski hiej‑prajd», niahledziačy na toje što Litva ŭvachodzić u skład Jeŭrapiejskaha sajuza», — skazaŭ Androsienka.

U adoźvie na imia kiraŭnika dziaržavy padkreślivajecca,

što arhanizatary hiej‑prajdu nie chočuć «epatavać publiku abo naładžvać eratyčnyja pakazy i kancerty ź pieraapranańniem na vulicy».

«My nie źbirajemsia padryvać maral hramadstva. Bolš za toje, my miarkujem, što hetaje mierapryjemstva pazityŭna adhukniecca na imidžy krainy, bo adnapołyja adnosiny kryminalna nie praśledujucca ŭ Biełarusi, a homasieksualnaść była vykraślena sa śpisu psichičnych rasstrojstvaŭ Suśvietnaj arhanizacyjaj achovy zdaroŭja ŭ 1990 hodzie. Značyć, hramadzianie homasieksualnaj aryjentacyi pavinny mieć takija ž pravy, jakimi vałodajuć hramadzianie hieterasieksualnaj aryjentacyi», — havorycca ŭ liście.

Biełaruskija i rasijskija hiej‑aktyvisty źviartajuć uvahu Alaksandra Łukašenki na toje, što pravaabaronča‑infarmacyjnaja akcyja «Słavianski hiej‑prajd 2010» prymierkavana da Mižnarodnaha dnia supraćstajańnia hamafobii i transfobii, jaki adznačajecca ŭ krainach Jeŭrasajuza 17 maja. U zaklučeńnie členy arhkamiteta adznačajuć, što, ładziačy mierapryjemstvy »Słavianskaha hiej‑prajdu 2010», jany tolki chočuć »dakazać toje, što Biełaruś pa pravie pazicyjanujecca jak talerantnaja i haścinnaja kraina».

• 0
• 0
• 0
• 0
• 0
• 0
• 0
• 0