Tramp pra dapamohu ŭkraincam: Ja im ničoha nie daju, a krainy NATA kuplajuć uzbrajeńnie ZŠA za poŭnuju canu
Prezident ZŠA Donald Tramp u paniadziełak pachvaliŭsia, što za jahonym prezidenctvam Štaty nie prosta nie vydatkoŭvajuć srodki na padtrymku Ukrainy ŭ vajnie suprać Rasii, ale i zarablajuć na hetym, i znoŭ paŭtaryŭ, što choča spynić zabojstvy ludziej. Pra heta Tramp zajaviŭ padčas kruhłaha stała z pradstaŭnikami amierykanskaha ahrabiznesu ŭ adkaz na pytańni žurnalistaŭ, piša «Ukrinfarm».
«Džo Bajden daŭ im (ukraincam) $350 miljardaŭ, a ja im ničoha nie daju. Ale ja daŭ im spačatku «Džavieliny»… ale Abama daŭ koŭdry…», — skazaŭ jon.
Pavodle słoŭ Trampa, ciapier situacyja «cudoŭnaja», ale jość adna prablema: «Šmat ludziej hinie, i ja chaču, kab heta spyniłasia».
Jon znoŭ zajaviŭ, što za minuły miesiac va Ukrainie zahinuła 27 tysiač vajskoŭcaŭ — «pieravažna ŭkrainskija žaŭniery i rasijskija sałdaty».
Razam z tym Tramp nahadaŭ, što ZŠA pradajuć svajo ŭzbrajeńnie krainam NATA «za poŭnuju canu», a NATA pieradaje jaho Ukrainie.
«Ja dumaju, jany mahli b pieradavać jaho i inšym, ale najčaściej pieradajuć jaho Ukrainie. I jany pracujuć z Ukrainaj nad umovami raźmierkavańnia ŭzbrajeńnia, rakiet i h.d. Ale my vydatkoŭvajem nie hrošy, a achviarujem čas dziela humannych met».
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna14
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii2020
Kamientary