«Nadakučyli sustrečy dziela sustreč». Tramp rasčaravaŭsia i ŭ Pucinie, i ŭ Zialenskim
Prezident ZŠA Donald Tramp bolš nie choča ni z kim razmaŭlać adnosna vajny va Ukrainie, jon choča dziejańniaŭ. Pra heta padčas bryfinhu zajaviła pres-sakratarka Biełaha doma Kerałajn Levit.
«Prezident strašna rasčaravany ŭ abodvuch bakach hetaj vajny. Jamu nadakučyli sustrečy dziela sustreč. Jon bolš nie choča [ni z kim] razmaŭlać, jon choča dziejańniaŭ, jon choča, kab hetaja vajna skončyłasia.
Administracyja patraciła kala 30 hadzin na praciahu tolki apošnich dvuch tydniaŭ na sustrečy z rasijanami i ŭkraincami, a taksama jeŭrapiejcami. Pahladzim, [jak projdzie] sustreča na hetych vychodnych», — adznačyła jana.
Raniej krynicy Axios u Biełym domie i z ukrainskaha boku śćviardžali, što ŭ subotu, 13 śniežnia, u Paryžy projdzie sustreča vysokapastaŭlenych pradstaŭnikoŭ ZŠA, Jeŭropy i Ukrainy, na jakoj jany abmiarkujuć mirny płan Trampa.
«Śpiecyjalny pasłańnik Uitkaf i jaho kamanda praciahvajuć pieramovy z abodvuma bakami litaralna, pakul my havorym. Kali budzie realny šaniec na padpisańnie mirnaha pahadnieńnia, kali my adčujem, što hetyja sustrečy vartyja času kahości z ZŠA na hetych vychadnych, my adpravim svajho pradstaŭnika», — paviedamiła Levit.
Zialenski hatovy pravieści refierendum pa budučyni Danbasa
Tramp dumaje stvaryć alternatyvu G7 z udziełam Rasii
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii
ZŠA pradstavili jeŭrapiejskim krainam prapanovy nakont viartańnia Rasii ŭ suśvietnuju ekanomiku
Tramp: Zialenskamu treba być realistam, va Ukrainie adbyvajecca maštabnaja karupcyja, čas pravodzić vybary
Mierc, Makron i Starmier abmierkavali z Trampam situacyju va Ukrainie
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary