Vydańnie Politico paviedamlaje, što ŭ administracyi prezidenta ZŠA Donalda Trampa abmiarkoŭvajecca ideja stvareńnia novaha mižnarodnaha farmatu pad nazvaj «Klučavaja piaciorka» (Core 5 abo C5). U hetuju hrupu prapanujecca ŭklučyć piać vialikich dziaržaŭ: ZŠA, Kitaj, Rasiju, Indyju i Japoniju. Miarkujecca, što C5 moža stać alternatyvaj sučasnaj «Vialikaj siamiorcy» (G7), ź jakoj Rasija była vyklučana ŭ 2014 hodzie.
Pa słovach byłoj supracoŭnicy Rady nacyjanalnaj biaśpieki pry administracyi Džo Bajdena Tory Taŭsih, takaja inicyjatyva adlustroŭvaje prahmatyčny padychod Trampa da mižnarodnaj palityki bieź ideałahičnaj afarboŭki. Jon imkniecca da supracoŭnictva z mocnymi aŭtarytarnymi lidarami i pryznaje rehijanalnyja śfiery ŭpłyvu.
Taŭsih taksama adznačaje, što adsutnaść jeŭrapiejskich krain u C5 moža być uspryniata ŭ Jeŭropie jak sihnał taho, što ZŠA razhladajuć Rasiju jak paŭnapraŭnuju dziaržavu z zakonnymi intaresami ŭ rehijonie.
Raniej portał Defense One paviedamlaŭ, što prajekt C5 uklučany ŭ pašyranuju niepubličnuju viersiju Stratehii nacyjanalnaj biaśpieki ZŠA, dzie pieršymi temami dla abmierkavańnia mahli być narmalizacyja adnosin pamiž Izrailem i Saudaŭskaj Aravijaj. Praŭda, aficyjnaja pradstaŭnica Biełaha doma Anna Keli abvierhła isnavańnie takoj zakrytaj viersii dakumienta.
Raniej Tramp krytykavaŭ vyklučeńnie Rasii z G8 i vystupaŭ za pašyreńnie farmatu za košt Kitaja. U svaju čarhu, prezident Rasii Uładzimir Pucin adznačyŭ, što dola G7 u suśvietnaj ekanomicy skaračajecca, i vyklučyŭ mahčymaść viartańnia Maskvy ŭ «vaśmiorku», niahledziačy na toje, što heta prapracoŭvałasia ŭ pieršapačatkovym amierykanskim prajekcie miru.
ZŠA pradstavili jeŭrapiejskim krainam prapanovy nakont viartańnia Rasii ŭ suśvietnuju ekanomiku
Tramp: Zialenskamu treba być realistam, va Ukrainie adbyvajecca maštabnaja karupcyja, čas pravodzić vybary
ZŠA dali Zialenskamu dedłajn da Kaladaŭ, kab jon padpisaŭ mirny płan
Tramp: Zialenskamu daviadziecca ŭziać siabie ŭ ruki i pryniać ździełku, bo Ukraina prajhraje ŭ vajnie
Tramp pra dapamohu ŭkraincam: Ja im ničoha nie daju, a krainy NATA kuplajuć uzbrajeńnie ZŠA za poŭnuju canu
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
V Kriemle dołžny moliťsia na nieho, choliť i lileiť, stanoviťsia v očieried́ i ciełovať jeho zad.
Nu i milliardy, v jeho ofšory, pierievodiť na riehularnoj osnovie.