Łukašenka pra Trampa: Apošnim časam jon mnie vielmi padabajecca svaimi dziejańniami
Alaksandr Łukašenka daŭ stanoŭčuju acenku dziejańniam prezidenta ZŠA Donalda Trampa. Pra heta jon zajaviŭ na sustrečy sa śpiecpasłańnikam ZŠA ŭ Biełarusi Džonam Koŭłam, piša BiełTA.

«Kažuć, što Tramp lubić liślivać. Ale ja nie dziela liślivaści. Chaču skazać, što ŭ apošni čas jon mnie vielmi padabajecca svaimi dziejańniami», — skazaŭ jon.
9 śniežnia na pasiadžeńni Rady biaśpieki Biełarusi Alaksandr Łukašenka adznačyŭ rolu prezidenta ZŠA Donalda Trampa ŭ prasoŭvańni mirnaha paradku dnia adnosna kanfliktu va Ukrainie: «Jak by tut ni sprabavali prynizić rolu Trampa, jon małajčyna ŭ hetym płanie. Jahonyja zajavy mima naroda nie projduć. Jon choča spynić vajnu, jak jon kaža, dziela taho, kab nie hinuli ludzi. Možna vakoł hetaha krucić i kazać što zaŭhodna. Ale što skažaš suprać taho, što robiać siońnia amierykancy?»
Kamientary