Minčanka adpraviłasia ŭ Smalensk, kab zavieźci machlaram 120 tysiač rubloŭ
U kastryčniku 30‑hadovaja žycharka stalicy atrymała ŭ telehramie paviedamleńnie ad čałavieka, jaki nazvaŭsia jaje kiraŭnikom. Ad jaho imia žančynie paviedamili, što nieŭzabavie ź joj źviažacca supracoŭnik KDK dla vyrašeńnia apieratyŭnaha pytańnia.
Praź niekalki chvilin u mesendžary joj sapraŭdy patelefanavali. Nieviadomy nazvaŭsia supracoŭnikam orhanaŭ dziaržaŭnaj biaśpieki i paviedamiŭ, što ź miesca pracy minčanki adbyvajecca ŭciečka kanfidencyjnych źviestak, a na jaje imia machlary ŭžo aformili kredyty.
Dla rasśledavańnia, sa słoŭ złamyśnika, byli padklučanyja supracoŭniki Nacbanka.
Nieŭzabavie na suviaź vyjšła jašče adna machlarka jakaja pradstaviłasia bankaŭskim rabotnikam. Jana paćvierdziła iłžyvuju infarmacyju pra nibyta isnujučyja kredyty i, spasyłajučysia na «apieratyŭnuju raspracoŭku», paraiła dziela abarony srodkaŭ źviarnucca ŭ banki i aformić pazyki.
Kab kančatkova pierakanać achviaru, machlary arhanizavali videazvanok. Mužčyna z elemientami formy i sa słužbovym paśviedčańniem daŭ ukazańni, pad dyktoŭku žančyna napisała zajavu.
Na nastupny dzień ad jaje zapatrabavali aformić kredyty ŭžo ŭ troch dadatkovych bankach i pieravieści srodki praź mižnarodnuju płaciežnuju sistemu.
Na hetym patrabavańni nie skončylisia. Pad ciskam žančyna sabrała ŭsie siamiejnyja źbieražeńni i pajechała ŭ Smalensk, dzie pieraličyła i hetyja hrošy. Akramia taho, jaje prymusili aformić rasterminoŭku na nabyćcio mabilnaha telefona, pradać aparat, a atrymanyja srodki taksama adpravić machlaram.
Padazreńni ŭ paciarpiełaj uźnikli tolki paśla taho, jak «apieratyŭnik» zahadaŭ vydalić usiu pierapisku. Uśviadomiŭšy padman, jana źviarnułasia ŭ milicyju Ahulnaja škoda skłała bolš za 120 000 rubloŭ.
Kamientary