Heta nie pryšelcy. Nie padniabiesny rejv. I nie masavaja halucynacyja. Nieba nad «Minsk-Śvietam» čas ad času sapraŭdy pranizvajuć ź dziasiatak łaziernych pramianioŭ. Samych roznych koleraŭ.
Usia sprava ŭ tym, što na hałoŭnaj viežy Mižnarodnaha finansavaha centra mancirujuć i testujuć tuju samuju ŭstanoŭku, jakaja pavinna «bić u nieba na 10 kiłamietraŭ», piša Onliner.by.
Upieršyniu pra toje, što na hałoŭnym chmaračosie krainy źjavicca mahutnaje łaziernaje abstalavańnie, my daviedalisia ŭ lipieni hetaha hoda.
«Heta vielmi mahutnaja sistema, jakaja dazvolić stvarać sapraŭdnaje śvietłavoje šou. Viadoma, pradstaŭleńni buduć adbyvacca nie kožny dzień, a ŭ značnyja śviaty. Łaziernuju prajekcyju budzie vidać z roznych punktaŭ Biełarusi. Zrazumieła, što ŭstanoŭka i zapusk takoha abstalavańnia — heta nie samadziejnaść, jana ažyćciaŭlajecca tolki z dazvołu śpiecyjalnych słužbaŭ, u tym liku avijacyjnych», — tłumačyŭ dyrektar «Dana Astra» Pietar Pietraŭ.
I voś «łaziernyja miačy» zaniali svaje miescy. A ŭ sacyjalnych sietkach pačali źjaŭlacca intryhujučyja roliki. I kali adny aŭtary adrazu raspaznali pryčynu niabiesnaha źziańnia, to inšyja nijak nie mahli zrazumieć, adkul jano. Byli i tyja kamientatary, chto adkryta žartavaŭ: «Čuvak, ty źniaŭ pieršaje videa z NŁA ŭ dobraj jakaści».
«Heta daloka nie ŭsie mahčymaści sistemy. Zaraz idzie praces naładki abstalavańnia. Budzie vielmi pryhoža», — raspavioŭ apošnija naviny z «padniabieśsia» Pietar Pietraŭ i padzialiŭsia videa, źniatymi z dachu Mižnarodnaha finansavaha centra.
Łaziernyja prajekcyi — daloka nie adzinaja fiška piataha biźnies-kvartała. Fasady vyšynnych budynkaŭ taksama buduć «žyvymi»: dziakujučy śpiecyjalnaj multymiedyjnaj sistemie na ich buduć źjaŭlacca roznyja vyjavy, u tym liku tyja, što buduć «pierapłyvać» z adnaho budynka na druhi.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary