Litva nie budzie prapuskać biełaruski kalij praz Kłajpiedu, niahledziačy na admienu sankcyj ZŠA
Zabaronu na tranzit biełaruskich uhnajeńniaŭ praz Kłajpiedski dziaržaŭny marski port admianiać nie płanujecca. Pra heta ŭ efiry radyjo LRT paviedamiŭ ministr zamiežnych spraŭ Litvy Kiastucis Budrys.
Niahledziačy na admienu abmiežavańniaŭ na pastaŭki biełaruskaha kaliju, pra jakuju padčas vizitu ŭ Biełaruś paviedamiŭ śpiecpasłańnik ZŠA pa Biełarusi Džon Koŭł, Litva zachavaje zabaronu na jaho ŭvoz i tranzit.
«Sankcyi, uviedzienyja suprać Biełarusi Jeŭrapiejskim sajuzam, praciahvajuć dziejničać jak u dačynieńni da impartu ŭhnajeńniaŭ, tak i ŭ dačynieńni da zaklučeńnia damovaŭ na tranzit. My ich prytrymlivajemsia», — zajaviŭ Budrys.
Jon taksama vykazaŭ nadzieju, što takoj pazicyi buduć prytrymlivacca Łatvija i Polšča ŭ pytańni impartu biełaruskaha kaliju praz svaje party.
Litva ŭviała zabaronu na pieravozku biełaruskich kalijnych uhnajeńniaŭ z 1 lutaha 2022 hoda. Da hetaha ŭ siarednim za hod pa čyhuncy praź litoŭskuju terytoryju pieravoziłasia kala 11 miljonaŭ ton biełaruskaha kaliju.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary