Tramp: My pavinny abaviazkova pieramahčy na vybarach u Kanhres, inakš pahražaje impičmient
Prezident ZŠA Donald Tramp zajaviŭ, što Respublikanskaja partyja abaviazkova pavinna pieramahčy na pramiežkavych vybarach u Kanhres ZŠA ŭ 2026 hodzie. U advarotnym vypadku, jak jon miarkuje, demakraty pačnuć praceduru impičmientu jamu. Pra heta Tramp skazaŭ padčas sustrečy z respublikanskimi zakanadaŭcami ŭ Vašynhtonie, piša «Jeŭrapiejskaja praŭda».
Tramp adznačyŭ, što demakraty, na jahonuju dumku, bolš padstupnyja za respublikancaŭ, i jany ŭ lubym vypadku znojduć nahodu, kab inicyjavać impičmient. Jon padkreśliŭ, što bieź pieramohi na vybarach jamu pahražaje sproba adchileńnia ad pasady.
Pramiežkavyja vybary ŭ ZŠA adbuducca sioleta ŭ listapadzie: tady budzie pieraabrany ŭvieś skład Pałaty pradstaŭnikoŭ i treciaja častka Sienata. Pry hetym dla realnaha adchileńnia prezidenta ad pasady patrebnaja padtrymka dźviuch tracin sienataraŭ, što vyhladaje małavierahodnym, bo navat pry samym niespryjalnym vyniku respublikancy zachavajuć kala pałovy miescaŭ u Sienacie.
Donald Tramp užo ŭvajšoŭ u historyju jak pieršy prezident ZŠA, jakomu dvojčy abjaŭlali impičmient, ale ŭ abodvuch vypadkach heta nie pryviało da jaho adchileńnia ad pasady.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB3
Kamientary
Kali poŭny švach va ŭnutranych spravach, luby amierykanski prezident idzie ŭ źniešniuju palityku. Ale i tut niešta nie asabliva kleicca. Tamu kidajucca što dnia z kraja ŭ kraj.