U paŭfinale chakiejnaha Kubka Stenli (finał Uschodniaj kanfierencyi) «Manreal Kanadyjens», za jaki vystupajuć braty Andrej i Siarhiej Kaścicyny, zhulajuć z «Fiładelfijaj Fłajerz».
«Lotčyki» siońnia ŭnačy pieramahli ŭ siomym matčy sieryi plej-of «Bostan» – 4:3. «Fiładelfija» napačatku sastupała ŭ sieryi 0:3, ale potym atrymała čatyry pieramohi zapar, staŭšy ŭ historyi treciaj kamandaj, jakoj udałosia vyjhrać sieryju paśla troch startavych parazaŭ.
Cikava, što «Manreal» i «Fiładelfija» pa vynikach rehularnaha siezona pakazali najhoršyja vyniki siarod kamandaŭ, što trapili ŭ plej-of na Uschodzie. «Fłajerz» zaniali siomaje miesca, a «Kanadyjens» – 8-je, u apošni momant uskočyŭšy ŭ Kubak Stenli.
Sieryja miž imi pačniecca ŭžo 16 maja.
Pieršy matč projdzie ŭ Fiładelfii, zatym tamsama – 18 maja, 20 i 22 maja – hulni ŭ Manreali, 24 maja (kali spatrebicca) – u Fiładelfii, 26 maja (kali spatrebicca) – u Manreali, 28 maja – u Fiładelfii.
Sieryja idzie da čatyroch pieramoh.
Nahadajem, što «Manreal» u pieršym raŭndzie vybiŭ ź plej-of najlepšuju kamandu rehularnaha čempijanatu «Vašynhton Kepitałz» (4:3), a ŭ druhim raŭndzie – uładalnika Kubka Stenli «Pitsburh Pinhvinz» (4:3).
U finale Zachodniaj kanfierencyi zhulajuć «San-Chase» i «Čykaha».
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj3
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić2929
Kamientary